QMA Aqtóbe oblysy boiynsha departamenti prokýratýranyń úilestirýimen tsifrlyq aktivter ainalymy salasynda zańsyz kásipkerlik qyzmetti júzege asyrǵan, sondai-aq qylmystyq kiristerdi zańdastyrǵan uiymdasqan qylmystyq topty qurý jáne oǵan basshylyq etý faktisi boiynsha tergeý júrgizýde, dep habarlaidy Dalanews.kz.
Uiymdastyrýshy mindetti tirkeýsiz jáne litsenziiasyz qamtamasyz etilmegen tsifrlyq aktivtermen operatsiialardan tabys tabý shemasyn uiymdastyrǵan.
Shemany iske asyrý úshin rólderi naqty bólingen, ierarhiiasy bar turaqty top qurylǵan. Qatysýshylar dropperlerdi izdeýmen, olardyń atyna bank kartalary men kriptovaliýta birjalarynda akkaýnttar rásimdeýmen, qarjylyq operatsiialar júrgizýmen jáne keiin qarajatty qolma-qol aqshaǵa ainaldyrýmen ainalysqan.
150-den astam dropperdiń bank kartalaryna túsken qarajat ATAIX birjasyndaǵy kriptoámiiandaryna aýdarylǵan. Qarajattyń zańdy kórinisin jasaý úshin dropperler men bailanysy bar JShS arasynda jalǵan qaryz sharttary rásimdelip, keiin qarajat kriptovaliýtaǵa aiyrbastalyp, OKX birjasyndaǵy kriptoámiiandarǵa jiberilgen.
Qarajatty aiyrbastaý jáne shyǵarý úshin baqylaýdaǵy aiyrbastaý pýnkti paidalanylyp, qarajat shetel valiýtasyna konvertatsiialanǵan.
Nátijesinde tsifrlyq aktivterdi ótkizý boiynsha operatsiialar somasy 3,5 mlrd teńgeden asty.
Tintý barysynda 46 uialy telefon, 92 bank kartasy, sondai-aq 25 463 USDT kólemindegi kriptoaktivter tárkilendi.
Bes kúdikti qamaýǵa alyndy.
Tergeý jalǵasýda. Qazaqstan Respýblikasynyń Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
