Memleket basshysy Bahrein korolimen telefon arqyly sóilesti, dep habarlaidy Dalanews.kz.
Prezident Qasym-Jomart Toqaev sheih Hamad ben Isa Ál Halifamen Taiaý Shyǵystaǵy ahýaldy talqylap, elimiz qazirgi qiyn-qystaý shaqta Bahrein halqyna tilektes ekenin aitty. Memleket basshysy Iranǵa qarsy soǵysqa qatyspaǵan Bahrein men basqa da elderdiń azamattyq infraqurylymyn zymyranmen atqylaýǵa alańdaýshylyq bildirdi.
Qasym-Jomart Toqaev Qazaqstan jaǵdaidy odan ári ýshyqtyrmai, qaqtyǵysty dialog jáne diplomatiia jolymen beibit túrde sheshýdi quptaitynyn jetkizdi. Korol Hamad ben Isa Ál Halifa udaiy qoldaý kórsetkeni úshin Qazaqstan Prezidentine alǵys aitty. Sondai-aq, saýda-ekonomikalyq jáne investitsiialyq bailanystarǵa basa mán bere otyryp, ekijaqty yntymaqtastyqty odan ári jandandyrýǵa nietti ekenin rastady.
Taraptar Qazaqstan-Bahrein arasyndaǵy dostyq qatynas pen seriktestikti odan ári nyǵaitýǵa beiil ekenin jetkizip, qasietti Ramazan aiynda eki el halqyna beibit ómir, baq-bereke tiledi.
