Bul jaıly Óskemende ótken «Dostyq úıi – qoǵamdyq kelisim ortalyǵynyń» 25 jyldyǵyna arnalǵan forýmda belgili boldy. Birneshe aımaqtan kelgen Dostyq úıleriniń basshylary bas qosqan forým aıasynda Elbasynyń «Rýhanı jańǵyrý» atty maqalasynda alǵa qoıylǵan mndetterdi iske asyrý barysy talqylandy. Qazaqstan halqy Assambleıasy meńgerýshisiniń orynbasary Leonıd Prokopenko jáne aıtýynsha, Dostyq úıleri memlekettik organ men turǵyndary arasyndaǵy tyǵyz baılanystyń bóligine aınalýy qajet.
– Aıtylǵan jańashyldyqtyń barlyǵy joba retinde úkimetke tapsyryldy. Jýyq arada bul jobalar qabyldanǵannan keıin, Assambleıaǵa júkteler jaýapkershilik artpaq. Assambleıa halyqtar dostyǵynyń, al halyqtar dostyǵy beıbitshiliktiń túp qazyǵy. Sondyqtan osy salada aıanbaı qyzmet atqarý qajet, – dedi Leonıd Prokopenko.
Atalmysh forýmnyń Óskemen qalasynda ótip otyrǵany da atap ótetin jaıt. Osydan 25 jyl buryn eldegi alǵashqy Dostyq úıi Óskemende ashylyp, jumysyn bastaǵan.
– Dostyq úıi – halyqtar dostastyǵyn aıqyndaǵan mańyzdy mekemelerdiń biri. 25 jyl ishinde árbir óńirlerde Dostyq úıleri ashyldy, endi aýdandarda da ashylyp kele jatyr. Bul – beıbitshiliktiń belgisi. Bıyl qalamyzda ótken respýblıkalyq forýmda basqa oblystardan áriptesterimiz kelip, tájirıbe almasýdamyz. Elbasynyń «Rýhanı jańǵyrý» maqalasynda kórsetilgen mindetterdi iske asyrý úshin birlese kúsh salyp, qyzmet etýimiz kerek, – dedi Qazaqstan halqy Assambleıasynyń múshesi Leo Shık.
