19 qyrkúıekte Astanada sporttyq baǵdarlamalaýdan 2024 ICPC World Finals - álem chempıonatynyń fınalyna arnalǵan baspasóz máslıhaty ótip, onda uıymdastyrýshylar men basty spıkerler jýrnalıserdiń suraqtaryna jaýap berir, Qazaqstandaǵy İT salany ári qaraı damytý jónindegi josparlardy talqylady. Baspasóz máslıhatyna Sıfrlyq damý, ınovasıalar jáne aeroǵarysh ónerkásibi vıse-mınıstri Rostıslav Konáshkın, İSRS prezıdenti Bıll Paýcher, Qazaqstan sporttyq baǵdarlamalaý federasıasynyń prezıdenti Baǵdat Mýsın, Freedom Holding Corp. dırektory Tımýr Týrlov, Huawei Technologies Kazakhstan dırektorlar keńesiniń basshysy Sú Haı, JetBrains ınvestısıalar, zertteýler men bilim berý boıynsha vıse-prezıdenti Andreı Ivanov qatysty.
Baǵdat Mýsın óz sózinde Qazaqstan sporttyq baǵdarlamalaý federasıasynyń adamı kapıtaldy damytýdy jáne eldi sıfrlandyrýda alǵa jeteleıtin İT mamandar qaýymdastyǵyn qurýdy kózdeıtinin aıtty. Ol qazaqstandyq komandalardyń chempıonattaǵy nátıjeleri básekege qabilettiliktiń joǵary ekendigin kórsetedi - QBTÝ komandasy týrnırdegi esepterdiń birin alǵash bolyp sheshti. Federasıa sporttyq baǵdarlamalaýdan komandalardy jattyǵýlar, trenıńter men kempter arqyly qoldaýdy jalǵastyrady, sonymen qatar İT materıaldar barshaǵa qoljetimdi bolýy úshin qazaq tiline aýdarý boıynsha jumys júrgizedi.
«İT mamandar men baǵdarlamalaýshylar ózara qarym-qatynas quryp, birge damyp, Qazaqstannyń İT ındýstrıasynyń bolashaǵyna úles qosa alatyn platforma jasap otyrmyz. Biz úshin komandalardyń halyqaralyq jarystarǵa qatysýy ǵana emes, sporttyq baǵdarlamalaýdyń jalpyǵa qoljetimdi ári tanymal bolýy mańyzdy», - dep atap ótti Mýsın.
Freedom Holding Corp. dırektory Tımýr Týrlov adamı kapıtalǵa salynǵan ınvestısıanyń bolashaǵy mol ekenin jáne jas talanttardy qoldaýdyń mańyzy týraly aıtty. Ol ICPC World Finals syndy sharalar bolashaq mamandardy daıarlaýǵa ǵana emes, İT áleýeti joǵary memleket retinde Qazaqstannyń halyqaralyq bedelin kóterýge múmkindik beretinin atap ótti.
«Bul biz úshin jaı talanttardy izdeý ǵana emes, ol - keleshekte eldiń İT arenada ózin básekege qabiletti sezinýi úshin adamı kapıtalǵan salynatyn uzaq merzimdi ınvestısıa. Osy arqyly jahandyq tehnologıalyq keńistiktegi ornymyzdy nyǵaıta alamyz dep senemiz», - dedi Týrlov.
Baspasóz máslıhatynyń eń mańyzdy sáti - Týrızm jáne sport mınıstrligi jáne Sıfrlyq damý, ınovasıalar jáne aeroǵarysh ónerkásibi mınıstrligi arasyndaǵy ekijaqty Memorandýmǵa qol qoıý boldy. Bul qujat eldegi sporttyq baǵdarlamalaýdyń jańa damý kókjıegin ashyp, ony Sporttyń basym túrleriniń respýblıkalyq tizimine engizedi.
«Qýanyshty jańalyqpen bóliseıin. Búgin İSRS Qazaqstanda jańa deńgeıge ıe boldy, sporttyq baǵdarlamalaý endi Sporttyń basym túrleriniń respýblıkalyq baǵdarlamasyna engiziledi. Týrızm jáne sport mınıstrligi men Sıfrlyq damý, ınovasıalar jáne aeroǵarysh ónerkásibi mınıstrligi İSRS aıasynda memorandýmǵa qol qoıdy. Bul birlesken bastamalarǵa tyń serpin berip, kóptegen jas talanttardy tartýǵa kómektesedi», - dep jańalyqpen bólisti Baǵdat Mýsın.
Memorandým sporttyq baǵdarlamalaýdy jastar arasynda tanytýǵa, bilim berý baǵdarlamalaryna engizýge jáne jarystar ótkizýge, sondaı-aq osy dısıplına úshin ınvestısıa tartý men ınfraqurylymdy damytýǵa baǵyttalǵan. Qos tarap Qazaqstandaǵy İT ındýstrıanyń ári qaraı damytýda mańyzdy qadam bolatyn İT sektordaǵy adamı kapıtaldy nyǵaıtý jáne bilim berý mekemelerin qoldaýda birlesip jumys atqarýǵa kelisti.
«İT ındýstrıanyń bizdiń arqamyzda órkendeı túskenin esepke alǵanda, İSRS úshin eń mańyzdy nárse - onyń ósýine kómektesý. Biz úshin eń bastysy - ıntellektýaldy damý, pikirles adamdardyń qarym-qatynasy men qaýymdastyǵymyzdy damytýǵa degen umtylys», - dedi İSRS prezıdenti Bıll Paýcher.
Chempıonattyń fınalynda jeńimpazdar habarlanyp, úzdik komandalardy saltanatty marapattaý rásimi ótedi.
İs-shara týraly tolyq aqparat pen baǵdarlama Federasıanyń resmı saıtynda jáne áleýmettik jelidegi paraqshalarymyzda qoljetimdi: Instagram: @cpfed.kz. Telegram: @cpfed.
Qazaqstan sporttyq baǵdarlamalaý federasıasynyń bas demeýshisi - Freedom Holding Corp., “Freedom Shapaǵat” korporatıvtik qorynyń qoldaýymen. 2024 ICPC World Finals demeýshileri -Huawei, JetBrains. QR Sıfrlyq damý, ınovasıalar jáne aeroǵarysh ónerkásibi mınıstrligi qoldaýymen uıymdastyrylǵan.
