19 قىركۇيەكتە استانادا سپورتتىق باعدارلامالاۋدان 2024 ICPC World Finals - الەم چەمپيوناتىنىڭ فينالىنا ارنالعان باسپا ءسوز ءماسليحاتى ءوتىپ، وندا ۇيىمداستىرۋشىلار مەن باستى سپيكەرلەر جۋرناليستەردىڭ سۇراقتارىنا جاۋاپ بەرىر، قازاقستانداعى ءىت سالانى ءارى قاراي دامىتۋ جونىندەگى جوسپارلاردى تالقىلادى. باسپا ءسوز ءماسليحاتىنا سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى روستيسلاۆ كونياشكين، ءىسرس پرەزيدەنتى بيلل پاۋچەر، قازاقستان سپورتتىق باعدارلامالاۋ فەدەراسياسىنىڭ پرەزيدەنتى باعدات مۋسين، Freedom Holding Corp. ديرەكتورى تيمۋر تۋرلوۆ، Huawei Technologies Kazakhstan ديرەكتورلار كەڭەسىنىڭ باسشىسى سيۋ حاي، JetBrains ينۆەستيسيالار، زەرتتەۋلەر مەن ءبىلىم بەرۋ بويىنشا ۆيسە-پرەزيدەنتى اندرەي يۆانوۆ قاتىستى.
باعدات مۋسين ءوز سوزىندە قازاقستان سپورتتىق باعدارلامالاۋ فەدەراسياسىنىڭ ادامي كاپيتالدى دامىتۋدى جانە ەلدى سيفرلاندىرۋدا العا جەتەلەيتىن ءىت ماماندار قاۋىمداستىعىن قۇرۋدى كوزدەيتىنىن ايتتى. ول قازاقستاندىق كوماندالاردىڭ چەمپيوناتتاعى ناتيجەلەرى باسەكەگە قابىلەتتىلىكتىڭ جوعارى ەكەندىگىن كورسەتەدى - قبتۋ كومانداسى تۋرنيردەگى ەسەپتەردىڭ ءبىرىن العاش بولىپ شەشتى. فەدەراسيا سپورتتىق باعدارلامالاۋدان كوماندالاردى جاتتىعۋلار، ترەنينگتەر مەن كەمپتەر ارقىلى قولداۋدى جالعاستىرادى، سونىمەن قاتار ءىت ماتەريالدار بارشاعا قولجەتىمدى بولۋى ءۇشىن قازاق تىلىنە اۋدارۋ بويىنشا جۇمىس جۇرگىزەدى.
«ءىت ماماندار مەن باعدارلامالاۋشىلار ءوزارا قارىم-قاتىناس قۇرىپ، بىرگە دامىپ، قازاقستاننىڭ ءىت يندۋسترياسىنىڭ بولاشاعىنا ۇلەس قوسا الاتىن پلاتفورما جاساپ وتىرمىز. ءبىز ءۇشىن كوماندالاردىڭ حالىقارالىق جارىستارعا قاتىسۋى عانا ەمەس، سپورتتىق باعدارلامالاۋدىڭ جالپىعا قولجەتىمدى ءارى تانىمال بولۋى ماڭىزدى»، - دەپ اتاپ ءوتتى مۋسين.
Freedom Holding Corp. ديرەكتورى تيمۋر تۋرلوۆ ادامي كاپيتالعا سالىنعان ينۆەستيسيانىڭ بولاشاعى مول ەكەنىن جانە جاس تالانتتاردى قولداۋدىڭ ماڭىزى تۋرالى ايتتى. ول ICPC World Finals سىندى شارالار بولاشاق مامانداردى دايارلاۋعا عانا ەمەس، ءىت الەۋەتى جوعارى مەملەكەت رەتىندە قازاقستاننىڭ حالىقارالىق بەدەلىن كوتەرۋگە مۇمكىندىك بەرەتىنىن اتاپ ءوتتى.
«بۇل ءبىز ءۇشىن جاي تالانتتاردى ىزدەۋ عانا ەمەس، ول - كەلەشەكتە ەلدىڭ ءىت ارەنادا ءوزىن باسەكەگە قابىلەتتى سەزىنۋى ءۇشىن ادامي كاپيتالعان سالىناتىن ۇزاق مەرزىمدى ينۆەستيسيا. وسى ارقىلى جاھاندىق تەحنولوگيالىق كەڭىستىكتەگى ورنىمىزدى نىعايتا الامىز دەپ سەنەمىز»، - دەدى تۋرلوۆ.
باسپا ءسوز ءماسليحاتىنىڭ ەڭ ماڭىزدى ءساتى - تۋريزم جانە سپورت مينيسترلىگى جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى اراسىنداعى ەكىجاقتى مەموراندۋمعا قول قويۋ بولدى. بۇل قۇجات ەلدەگى سپورتتىق باعدارلامالاۋدىڭ جاڭا دامۋ كوكجيەگىن اشىپ، ونى سپورتتىڭ باسىم تۇرلەرىنىڭ رەسپۋبليكالىق تىزىمىنە ەنگىزەدى.
«قۋانىشتى جاڭالىقپەن بولىسەيىن. بۇگىن ءىسرس قازاقستاندا جاڭا دەڭگەيگە يە بولدى، سپورتتىق باعدارلامالاۋ ەندى سپورتتىڭ باسىم تۇرلەرىنىڭ رەسپۋبليكالىق باعدارلاماسىنا ەنگىزىلەدى. تۋريزم جانە سپورت مينيسترلىگى مەن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ءىسرس اياسىندا مەموراندۋمعا قول قويدى. بۇل بىرلەسكەن باستامالارعا تىڭ سەرپىن بەرىپ، كوپتەگەن جاس تالانتتاردى تارتۋعا كومەكتەسەدى»، - دەپ جاڭالىقپەن ءبولىستى باعدات مۋسين.
مەموراندۋم سپورتتىق باعدارلامالاۋدى جاستار اراسىندا تانىتۋعا، ءبىلىم بەرۋ باعدارلامالارىنا ەنگىزۋگە جانە جارىستار وتكىزۋگە، سونداي-اق وسى ديسيپلينا ءۇشىن ينۆەستيسيا تارتۋ مەن ينفراقۇرىلىمدى دامىتۋعا باعىتتالعان. قوس تاراپ قازاقستانداعى ءىت يندۋستريانىڭ ءارى قاراي دامىتۋدا ماڭىزدى قادام بولاتىن ءىت سەكتورداعى ادامي كاپيتالدى نىعايتۋ جانە ءبىلىم بەرۋ مەكەمەلەرىن قولداۋدا بىرلەسىپ جۇمىس اتقارۋعا كەلىستى.
«ءىت يندۋستريانىڭ ءبىزدىڭ ارقامىزدا وركەندەي تۇسكەنىن ەسەپكە العاندا، ءىسرس ءۇشىن ەڭ ماڭىزدى نارسە - ونىڭ وسۋىنە كومەكتەسۋ. ءبىز ءۇشىن ەڭ باستىسى - ينتەللەكتۋالدى دامۋ، پىكىرلەس ادامداردىڭ قارىم-قاتىناسى مەن قاۋىمداستىعىمىزدى دامىتۋعا دەگەن ۇمتىلىس»، - دەدى ءىسرس پرەزيدەنتى بيلل پاۋچەر.
چەمپيوناتتىڭ فينالىندا جەڭىمپازدار حابارلانىپ، ۇزدىك كوماندالاردى سالتاناتتى ماراپاتتاۋ ءراسىمى وتەدى.
ءىس-شارا تۋرالى تولىق اقپارات پەن باعدارلاما فەدەراسيانىڭ رەسمي سايتىندا جانە الەۋمەتتىك جەلىدەگى پاراقشالارىمىزدا قولجەتىمدى: Instagram: @cpfed.kz. Telegram: @cpfed.
قازاقستان سپورتتىق باعدارلامالاۋ فەدەراسياسىنىڭ باس دەمەۋشىسى - Freedom Holding Corp.، “Freedom شاپاعات” كورپوراتيۆتىك قورىنىڭ قولداۋىمەن. 2024 ICPC World Finals دەمەۋشىلەرى -Huawei، JetBrains. ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى قولداۋىمەن ۇيىمداستىرىلعان.
