Advokat Janna Orazbahova Qýandyq Bishimbaev merziminen buryn shyǵyp ketýi múmkin ekenin aitty, - dep habarlaidy Dalanews.kz.
Astana soty Qýandyq Bishimbaevqa qatysty túsken isti qaraýǵa kirisken. Osylaisha, Saltanatttyń aǵasy Aitym Amangeldi eks-ministrden ótemaqy óndirip almaq.
"Másele aqshada emes. Bastysy – qylmyskerdi merziminen buryn shyǵyp ketý múmkindiginen aiyrý. Ótemaqy somasy kóp bolǵan saiyn onyń bostandyqqa shyǵyp ketý múmkindigi de az bolady", - deidi advokat.
Aita keteiik, 27 tamyzda Aitbek Amangeldi Qýandyq Bishimbaevtan moraldyq ótemaqy talap etkeni belgili boldy. Bul týraly sot kabinetindegi qujatta belgili boldy. Is 2024 jyldyń 2 tamyzynda bastalǵan. Isti sýdia Dosjan Jumabaev qaraidy.
13 mamyrda Qýandyq Bishimbaevqa qatysty sot isi aiaqtalǵan bolatyn. Sot Ulttyq ekonomikanyń eks-ministri Qýandyq Bishimbaevty jubaiyn azaptaǵany jáne óltirgeni úshin kináli dep tapty. Ol 24 jylǵa bas bostandyǵynan aiyryldy.
Onyń aǵasy Baqytjan Baijanov qylmysty jasyrǵany úshin kináli dep tanylyp, 4 jylǵa bas bostandyǵynan aiyryldy.
26 maýsymda sot alqasy Bishimbaev pen Baijanovtyń apelliatsiialyq shaǵymy boiynsha sheshim qabyldap, olardyń úkimderin ózgerissiz qaldyrdy.
