Búgin “Ádil sóz” qorynyń ótinishimen Jániia Uranqaevaǵa úkimet ǵimaratyna kirýge ruqsat berildi. Endi jýrnalist óz qyzmetin tolyq oryndai alady, dep habarlaidy Dalanews.kz.
Úkimettiń baspasóz qyzmeti 2024 jyldyń sońyna deiin Jániia Uranqaevanyń ǵimaratqa kirýine qatysty shekteýlerdi qaita qarady. Budan bylai ol jýrnalistik qyzmetin erkin túrde atqara alady. Degenmen ǵimaratqa kirý erejesi men buqaralyq aqparat quraldaryna qatysty talaptardy eskerýi qajet. Jańa “Mass-media týraly” zańnyń talabyna sai, memlekettik nysandarǵa kirý kezinde qaýipsizdik sharalary men erejelerdi saqtaýǵa mindetteldi.
“Ádil sóz” qory bul jaǵdaidy jýrnalister men memlekettik organdar arasyndaǵy bailanystyń nátijeli mysaly retinde atap ótti. Sonymen qatar jýrnalisterdiń erkin jumys isteýi úshin ashyq kelissózdiń mańyzy zor ekenin kórsetti. Bul óz kezeginde, memlekettik organdar men BAQ arasyndaǵy áriptestik ashyq qarym-qatynasty qamtamasyz etip, qoǵamnyń senimin arttyrýǵa yqpal etedi.
Atalmysh kelisim Jániia Uranqaevanyń jýrnalistik qyzmetin tolyqqandy atqarýǵa múmkindik berip, media ókilderiniń quqyǵyn qorǵaýdaǵy mańyzdy qadam dep baǵalanýda.
