Atyraý oblysyndaǵy 8 jol ýchaskesin salýǵa jáne jóndeýge Úkimet rezervinen 5,9 mlrd teńge bólindi, dep habarlaidy Dalanews.kz.
Tiisti qaýlyǵa premer-pinistr Oljas Bektenov qol qoiǵan. Úkimettiń málimetine súiensek, aqsha úkimettiń tótenshe rezervinen kólik ministrligine qarai bólinedi.
"Atyraý oblysynyń biýdjetine aýdarý úshin Úkimettiń tótenshe rezervinen QR Kólik ministrligine shamamen 5,9 mlrd teńge bólý qarastyrylǵan. Atalǵan qarajattyń 4,6 mlrd teńgesi oblystyq mańyzy bar avtojoldardyń jeti ýchaskesin, onyń ishinde, "Inder – Qarabaý – Saǵyz", Qarabaý kentine kirme joldar, "Sarytoǵai – Mahambet", "Atyraý – Inder", sondai-aq Qulsary qalasyndaǵy jaiaý júrginshiler jolyn qalpyna keltirýge baǵyttalady.
Sý tasqyny saldarynan zardap shekken "Inder – Qarabaý – Miialy – Saǵyz" avtojolyndaǵy kópir men sý ótkizý qubyrlardyń qurylysyna shamamen 1,3 mlrd teńge bólinedi", - dep habarlady úkimettiń baspasóz qyzmeti.
Derekkózge súiensek, sý tasqyny kezinde osy oblystaǵy 11 jol ýchaskesi qiraǵan, bes jolda sý ótkizetin qubyrlar zaqymdanǵan.
