Qostanai oblysynyń politsiiasy esirtkini zańsyz jarnamalaýǵa qarsy kúresti bastady, – dep habarlaidy Polisia.kz.
Qostanai oblysynyń politseileri graffiti jazýlardy boiaý chellendjin Almaty qalasynan jáne Túrkistan oblysynan qabyldady. Qostanaida politsiia esirtkiniń zańsyz jarnamasyna qarsy aýqymdy kúresti jalǵastyryp jatyr jáne bul bastamany óńirdegi bul problemaǵa bei-jai qaramaityn azamattar da qoldady.
Oblys ortalyǵynda esirtkini jarnamalaityn graffitidi joiý boiynsha aýqymdy aktsiia ótti. Mańyzdy is-sharany politsiia departamentiniń esirtki qylmysyna qarsy is-qimyl basqarmasy uiymdastyrdy.
Oǵan 400-ge jýyq erikti, sonyń ishinde kolledjder men ýniversitet stýdentteri, múddeli memlekettik organdardyń ókilderi, sondai-aq jergilikti qala turǵyndary qoldaý kórsetti.
Is-sharany ótkizýde politseilerge “Qostanaidyń jas kóshbasshylary” ÚEU járdemdesti. Olar eriktilerge “Esirtkige jol joq” degen jazýy bar fýtbolkalar men bas kiimder, sondai-aq aerozoldik búrikkishter, qolǵaptar berdi. Osyndai jumyla jasalǵan is qazirgi zamannyń eń mańyzdy máseleleriniń birimen kúresý jolynda qalai birige alatynyn kórsetti. Birneshe saǵat ishinde qatysýshylar oblys ortalyǵynyń ár túkpirinde 700-den astam graffitidi joidy.
Politsiia bul jerlerdi aldyn-ala anyqtaǵan bolatyn. Jumys qala ortalyǵynda da, shetki aýmaqtarda da júrgizildi. Bul bastama esirtki qylmystarynyń jolyn kesýge ǵana emes, qalanyń syrtqy kelbetin jaqsartýǵa da baǵyttalǵan.
Aita keteiik, qazirgi ýaqytta politseiler esirtki zattaryn zańsyz nasihattaý faktileri boiynsha 40-qa jýyq qylmystyq is qozǵaǵan. Aktsiiany uiymdastyrýshylar mundai is-sharalar jurtshylyqtyń nazaryn nashaqorlyq problemasyna aýdarýǵa kómektesedi jáne esirtkige qoǵamda oryn joq ekendigin kórsetedi dep úmittenedi. Vedomstvo jumys istep turǵan sall-ortalyq (8-747-050-35-78) týraly eske salady, ol boiynsha tabylǵan zańsyz jazýlardyń geolokatsiiasy týraly habarlaýǵa bolady.
Úmitkúl NUR
