IIM "Qazaqmys" nysandaryndaǵy urlyqty áshkereledi, dep habarlaidy dalanews.kz.
Ulytaý oblysynda byltyrdan beri politsiia "Qazaqmys korporatsiiasy" aýmaǵynan urlyq jasaǵan birneshe qylmystyq toptyń áreketin toqtatty. Qabyldanǵan sharalar nátijesinde keltirilgen shyǵynnyń 94,5%-y ótelgen. Jergilikti qylmystyq toptardyń jetekshiligimen áreket etken qylmystyq top músheleri sottalǵan. Olar quramynda baǵaly metaldardyń mólsheri joǵary ken qorytpalaryn urlaý shemasyn uiymdastyrǵan.
Biyldyń ózinde politseiler tórt urlyqty ashty. 7 mamyrda Memlekettik kúzet qyzmetimen birlesip, kompaniia aýmaǵynan janarmai urlaýǵa bailanysty zańsyz árekettiń joly kesildi.
"Jedel is-sharalar barysynda urlyqty uiymdastyrdy jáne keiin janar-jaǵarmai materialdaryn satýmen ainalysty degen kúdikke ilingen adamdar ustaldy. Bir tonnadan asa janarmai, iri kólemdegi qarajat, kólik, oq-dárileri bar qarý jáne zańsyz shemaǵa paidalanylǵan ózge de zattai dálelder tárkilendi. Tergeý barysynda urlyq arnaiy tehnikaǵa jalǵan janarmai quiý jáne qujattardy qoldan jasaý arqyly júzege asyrylǵany anyqtaldy. Sonymen qatar, kúzet qurylymdarynyń keibir qyzmetkerleri tarapynan kómek kórsetý derekteri de áshkerelendi. Aldyn ala málimet boiynsha shyǵyn asa iri kólemde bolýy múmkin", - dedi IIM uiymdasqan qylmysqa qarsy kúres departamentiniń ókili Qýandyq Alpys.
