ٸٸم "قازاقمىس" نىساندارىنداعى ۇرلىقتى ەشكەرەلەدٸ, دەپ حابارلايدى dalanews.kz.
ۇلىتاۋ وبلىسىندا بىلتىردان بەرٸ پوليتسييا "قازاقمىس كورپوراتسيياسى" اۋماعىنان ۇرلىق جاساعان بٸرنەشە قىلمىستىق توپتىڭ ەرەكەتٸن توقتاتتى. قابىلدانعان شارالار نەتيجەسٸندە كەلتٸرٸلگەن شىعىننىڭ 94,5%-ى ٶتەلگەن. جەرگٸلٸكتٸ قىلمىستىق توپتاردىڭ جەتەكشٸلٸگٸمەن ەرەكەت ەتكەن قىلمىستىق توپ مٷشەلەرٸ سوتتالعان. ولار قۇرامىندا باعالى مەتالداردىڭ مٶلشەرٸ جوعارى كەن قورىتپالارىن ۇرلاۋ سحەماسىن ۇيىمداستىرعان.
بيىلدىڭ ٶزٸندە پوليتسەيلەر تٶرت ۇرلىقتى اشتى. 7 مامىردا مەملەكەتتٸك كٷزەت قىزمەتٸمەن بٸرلەسٸپ, كومپانييا اۋماعىنان جانارماي ۇرلاۋعا بايلانىستى زاڭسىز ەرەكەتتٸڭ جولى كەسٸلدٸ.
"جەدەل ٸس-شارالار بارىسىندا ۇرلىقتى ۇيىمداستىردى جەنە كەيٸن جانار-جاعارماي ماتەريالدارىن ساتۋمەن اينالىستى دەگەن كٷدٸككە ٸلٸنگەن ادامدار ۇستالدى. بٸر توننادان اسا جانارماي, ٸرٸ كٶلەمدەگٸ قاراجات, كٶلٸك, وق-دەرٸلەرٸ بار قارۋ جەنە زاڭسىز سحەماعا پايدالانىلعان ٶزگە دە زاتتاي دەلەلدەر تەركٸلەندٸ. تەرگەۋ بارىسىندا ۇرلىق ارنايى تەحنيكاعا جالعان جانارماي قۇيۋ جەنە قۇجاتتاردى قولدان جاساۋ ارقىلى جٷزەگە اسىرىلعانى انىقتالدى. سونىمەن قاتار, كٷزەت قۇرىلىمدارىنىڭ كەيبٸر قىزمەتكەرلەرٸ تاراپىنان كٶمەك كٶرسەتۋ دەرەكتەرٸ دە ەشكەرەلەندٸ. الدىن الا مەلٸمەت بويىنشا شىعىن اسا ٸرٸ كٶلەمدە بولۋى مٷمكٸن", - دەدٸ ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ ٶكٸلٸ قۋاندىق الپىس.
