Tarazda túnde bolǵan jol apatynan 16 jastaǵy jasóspirim qaza tapty, dep habarlaidy dalanews.kz qazpress_kz-ke siltep.
Qaiǵyly oqiǵa túngi saǵat 03:10 shamasynda bolǵan. Kólik tizgininde 15 jastaǵy jasóspirim otyrǵan. Derekke súiensek, ol ákesiniń kóligin ruqsatsyz alyp, dostarymen shyqqan.
Aldyn ala málimet boiynsha júrgizýshi kólikti basqara almai, beton baǵanaǵa soǵylǵan. Oqiǵa saldarynan Taraz politehnikalyq kolledjiniń 16 jastaǵy stýdenti kóz jumdy.
Taǵy bir jasóspirim aiaǵyn syndyryp alǵan. Al kólikti júrgizgen bala basynan jaraqattar alǵan. Oqiǵaǵa qatysqandardyń barlyǵy kámeletke tolmaǵan.
Jol apatyna bailanysty qylmystyq is qozǵalyp, tergeý júrgizilip jatyr.
