Endi Qazaqstanda qyzmet etetin sheteldik joǵary oqý oryndary men olardyń filialdary stýdentterge "Qazaqstan tarihy" jáne "Qazaq tili" pánderin mindetti túrde oqytýy tiis. Bul týraly Májilis depýtaty Nartai Sársenǵaliev áleýmettik jelidegi paraqshasynda jazdy, dep dalanews.kz tilshisi kznews.kz saityna silteme jasap habarlaidy.
Depýtattyń aitýynsha, Parlament Májilisiniń Áleýmettik-mádeni damý komitetiniń bastamasymen mańyzdy norma qabyldanǵan.
"Pedagog mártebesi týraly" zań jobasynda "Sheteldik joǵary jáne (nemese) joǵary oqý ornynan keiingi bilim berý uiymdarynyń filialdary men sheteldik oqý oryndary "Qazaqstan tarihy" jáne "Qazaq tili" pánderin mindetti túrde oqyta otyryp, tiisti memlekettik jalpyǵa mindetti bilim berý standarttarynyń talaptarynan tómen emes bilim berý sapasyn qamtamassyz etedi" degen norma bekitildi", – dep jazdy ol.
Nartai Sársenǵalievtiń sózinshe, atalǵan normany qamtityn zań jobasy jaqyn ýaqytta Májiliste ekinshi oqylymǵa shyǵarylmaq.
