Túrkistan oblysynda jyl sońyna deiin 400-den astam nysandy paidalanýǵa berý josparlanyp otyr, dep habarlaidy Dalanews.kz.
Biyl óńirde ulttyq qor, respýblikalyq jáne oblystyq biýdjet esebinen 485 nysan qurylysyn júzege asyrýǵa 129,9 mlrd teńge bólindi.
Jyl sońyna deiin 418 nysandy paidalanýǵa berý josparlanyp otyr. Qalǵan 67 nysannyń qurylysy 2025 jylǵa ótedi.
Atap aitqanda, bilim berý salasynda 21 nysannyń qurylysy júrgizilýde. Jańa oqý jylyna Qazyǵurt aýdanynda 2 mektep, Otyrar jáne Tólebi aýdandarynda 2 mektep, jalpy 4 bilim berý uiasy paidalanýǵa berildi. Jyl sońyna deiin taǵy 10 nysannyń qurylysy aiaqtalady. Qalǵan 7 nysan qurylysy 2025 jyly aiaqtalady.
Sonymen qatar 94 densaýlyq saqtaý nysanynyń qurylysy júrgizilýde. Onyń ishinde, oblystyq biýdjet esebinen qurylysy júrgizilgen 3 dárigerlik ambýlatoriia paidalanýǵa berildi.
Budan bólek, óńirde 8 ákimshilik ǵimarat boi kóterýde. Búgingi tańda 3 nysan paidalanýǵa berilse, jyl sońyna deiin taǵy 3 ǵimarat qurylysy aiaqtalmaq. Qalǵan 2 nysan 2025 jylǵa ótpeli.
Oblys aýmaǵynda qurylysy bastalǵan 12 mádeni nysannyń 4-i osy jyly el igiligine paidalanýǵa berilmek. Qalǵan 8 ǵimarattyń qurylysy kelesi jyly aiaqtalady.
Sondai-aq aimaqta 23 sport nysanynyń qurylysy qolǵa alynyp, onyń 3-i paidalanýǵa berildi. Jyl sońyna deiin 11 jobany aiaqtaý josparlanǵan. Qalǵan 9 nysan kelesi jyly paidalanýǵa tapsyrylady.
Aýyl sharýashylyǵy salasynda 8 nysan qurylysy josparlanǵan.
Oblys aýmaǵynda 2 469 páterli, jalpy aýdany 66,0 myń sharshy metrdi quraityn 221 úidiń qurylysy bastalǵan. Jyl qorytyndysymen arendalyq turǵyn úi kezeginde turǵan 2 469 otbasyny baspanamen qamtamasyz etý kózdelýde.
Jaily mektepterdi infraqurylymmen qamtamasyz etý boiynsha biyl tapsyrylatyn 29 mekteptiń 4-i qamtylǵan. 25 mekteptiń qurylysyna 4,9 mlrd teńge qarjy qaralyp, jumystar 100% aiaqtalǵan.
