تۇركىستان وبلىسىندا جىل سوڭىنا دەيىن 400-دەن استام نىساندى پايدالانۋعا بەرۋ جوسپارلانىپ وتىر، دەپ حابارلايدى Dalanews.kz.
بيىل وڭىردە ۇلتتىق قور، رەسپۋبليكالىق جانە وبلىستىق بيۋدجەت ەسەبىنەن 485 نىسان قۇرىلىسىن جۇزەگە اسىرۋعا 129،9 ملرد تەڭگە ءبولىندى.
جىل سوڭىنا دەيىن 418 نىساندى پايدالانۋعا بەرۋ جوسپارلانىپ وتىر. قالعان 67 نىساننىڭ قۇرىلىسى 2025 جىلعا وتەدى.
اتاپ ايتقاندا، ءبىلىم بەرۋ سالاسىندا 21 نىساننىڭ قۇرىلىسى جۇرگىزىلۋدە. جاڭا وقۋ جىلىنا قازىعۇرت اۋدانىندا 2 مەكتەپ، وتىرار جانە تولەبي اۋداندارىندا 2 مەكتەپ، جالپى 4 ءبىلىم بەرۋ ۇياسى پايدالانۋعا بەرىلدى. جىل سوڭىنا دەيىن تاعى 10 نىساننىڭ قۇرىلىسى اياقتالادى. قالعان 7 نىسان قۇرىلىسى 2025 جىلى اياقتالادى.
سونىمەن قاتار 94 دەنساۋلىق ساقتاۋ نىسانىنىڭ قۇرىلىسى جۇرگىزىلۋدە. ونىڭ ىشىندە، وبلىستىق بيۋدجەت ەسەبىنەن قۇرىلىسى جۇرگىزىلگەن 3 دارىگەرلىك امبۋلاتوريا پايدالانۋعا بەرىلدى.
بۇدان بولەك، وڭىردە 8 اكىمشىلىك عيمارات بوي كوتەرۋدە. بۇگىنگى تاڭدا 3 نىسان پايدالانۋعا بەرىلسە، جىل سوڭىنا دەيىن تاعى 3 عيمارات قۇرىلىسى اياقتالماق. قالعان 2 نىسان 2025 جىلعا وتپەلى.
وبلىس اۋماعىندا قۇرىلىسى باستالعان 12 مادەني نىساننىڭ 4ء-ى وسى جىلى ەل يگىلىگىنە پايدالانۋعا بەرىلمەك. قالعان 8 عيماراتتىڭ قۇرىلىسى كەلەسى جىلى اياقتالادى.
سونداي-اق ايماقتا 23 سپورت نىسانىنىڭ قۇرىلىسى قولعا الىنىپ، ونىڭ 3ء-ى پايدالانۋعا بەرىلدى. جىل سوڭىنا دەيىن 11 جوبانى اياقتاۋ جوسپارلانعان. قالعان 9 نىسان كەلەسى جىلى پايدالانۋعا تاپسىرىلادى.
اۋىل شارۋاشىلىعى سالاسىندا 8 نىسان قۇرىلىسى جوسپارلانعان.
وبلىس اۋماعىندا 2 469 پاتەرلى، جالپى اۋدانى 66،0 مىڭ شارشى مەتردى قۇرايتىن 221 ءۇيدىڭ قۇرىلىسى باستالعان. جىل قورىتىندىسىمەن ارەندالىق تۇرعىن ءۇي كەزەگىندە تۇرعان 2 469 وتباسىنى باسپانامەن قامتاماسىز ەتۋ كوزدەلۋدە.
جايلى مەكتەپتەردى ينفراقۇرىلىممەن قامتاماسىز ەتۋ بويىنشا بيىل تاپسىرىلاتىن 29 مەكتەپتىڭ 4ء-ى قامتىلعان. 25 مەكتەپتىڭ قۇرىلىسىنا 4،9 ملرد تەڭگە قارجى قارالىپ، جۇمىستار 100% اياقتالعان.
