Danial Ahmetov Tuńǵysh Prezidenti Qorynyń ókilimen kezdesti
Qanat Jumabaevtyń aitýynsha, búginde 24 shyǵysqazaqstandyq Qor grantynyń iegeri atanǵan. Qýanarlyǵy, olardyń deni jas ǵalymdar men stýdentter. Sońǵy ýaqytta memlekettik emes uiymdar da joǵary belsendilik tanytyp jatqandyǵyn da erekshe atap ótti. Solardyń biri Úrjardaǵy balalarǵa arnaiy qyzmet kórsetetin ortalyq. Kezdesý kezinde atalǵan mekeme ókiline Qor basshysy interaktivti jabdyq alýlary úshin 3,5 million teńgege sertifikat tabys etildi.
– Biz Qor jumysynyń mańyzdylyǵyn joǵary baǵalaimyz jáne ózara seriktestikke daiynbyz, - dedi Danial Ahmetov. – Aldaǵy tańda qai baǵytta birlese qyzmet etetinimizdi búge-shúgesine deiin aqyldasýymyz kerek.
Elbasynyń bastamasymen qurylǵan Qazaqstandaǵy eń iri Qor jastardyń jobalaryn jáne áleýmettik jobalardy, azamattyq bastamalardy qoldaýǵa jáne básekelestikke qabiletti saraptaý-taldaý ortalyǵyn damytýǵa baǵyttalǵan. Biyl Qor daryndy Qazaqstan jastaryn qoldaýǵa arnalǵan 100 jobany iske asyrýda.
ShQO ákminiń baspasóz qyzmeti
