شىعىس قازاقستاندا ق ر تۇڭعىش پرەزيدەنتى قورىنىڭ كۇنى ءوتتى. «بارلىعى جاستار ءۇشىن» ۇرانىن تۋ ەتكەن شارا ۇيىمنىڭ اتقارۋشى ديرەكتورى قانات جۇمابايەۆتىڭ شىعىس قازاقستان وبلىسى اكىمى دانيال احمەتوۆپەن كەزدەسۋىنەن باستالدى. ەكىجاقتى سەرىكتەستىك ماسەلەسىن تىلگە تيەك ەتكەن باسشىلار وڭىردەگى جاستاردى قولداۋعا باعىتتالعان جوبالاردىڭ جۇزەگە اسىرۋ بارىسىن تالقىلادى.



قانات جۇمابايەۆتىڭ ايتۋىنشا، بۇگىندە 24 شىعىسقازاقستاندىق قور گرانتىنىڭ يەگەرى اتانعان. قۋانارلىعى، ولاردىڭ دەنى جاس عالىمدار مەن ستۋدەنتتەر. سوڭعى ۋاقىتتا مەملەكەتتىك ەمەس ۇيىمدار دا جوعارى بەلسەندىلىك تانىتىپ جاتقاندىعىن دا ەرەكشە اتاپ ءوتتى. سولاردىڭ ءبىرى ءۇرجارداعى بالالارعا ارنايى قىزمەت كورسەتەتىن ورتالىق. كەزدەسۋ كەزىندە اتالعان مەكەمە وكىلىنە قور باسشىسى ينتەراكتيۆتى جابدىق الۋلارى ءۇشىن 3،5 ميلليون تەڭگەگە سەرتيفيكات تابىس ەتىلدى.

– ءبىز قور جۇمىسىنىڭ ماڭىزدىلىعىن جوعارى باعالايمىز جانە ءوزارا سەرىكتەستىككە دايىنبىز، - دەدى دانيال احمەتوۆ. – الداعى تاڭدا قاي باعىتتا بىرلەسە قىزمەت ەتەتىنىمىزدى بۇگە-شۇگەسىنە دەيىن اقىلداسۋىمىز كەرەك.

ەلباسىنىڭ باستاماسىمەن قۇرىلعان قازاقستانداعى ەڭ ءىرى قور جاستاردىڭ جوبالارىن جانە الەۋمەتتىك جوبالاردى، ازاماتتىق باستامالاردى قولداۋعا جانە باسەكەلەستىككە قابىلەتتى ساراپتاۋ-تالداۋ ورتالىعىن دامىتۋعا باعىتتالعان. بيىل قور دارىندى قازاقستان جاستارىن قولداۋعا ارنالعان 100 جوبانى ىسكە اسىرۋدا.

شقو اكمىنىڭ باسپا ءسوز قىزمەتى