2024 jyldyń 8 aiynda Túrkistan oblysynyń taýar naryǵyndaǵy básekelestiktiń jai-kúiine 41 taldaý jasalǵan.
Janar-jaǵarmai materialdary, suiytylǵan munai gaz, áleýmettik mańyzy bar azyq-túlik, meditsinalyq qyzmet kórsetý, elektr energiiasyn satý syndy salalar zertteldi. Nátijesinde básekelestikti qorǵaý salasyndaǵy zańnamany buzǵany úshin jalpy quny 2 mln. 769 myń teńgeni quraityn 6 ákimshilik hattama toltyryldy.
Bul týraly ótken brifingte QR Básekelestikti qorǵaý jáne damytý agenttiginiń Túrkistan oblysy boiynsha departamenti basshysynyń orynbasary Danabek Mahatov málimdedi.
«Departament tarapynan naryqty taldaý, ótinishterdi qaraý qorytyndysymen monopoliiaǵa qarsy zańnamany buzý boiynsha 9 habarlama shyǵaryldy.
Sondai-aq, oblys aýmaǵynda suiytylǵan munai gazyn bólý kezinde quqyq buzýshylyqtar anyqtaldy. Oryn alǵan zańsyzdyq negizinde jaýapty tulǵalarǵa 2 mln 212 myń teńge kóleminde aiyppul salynyp, qazirgi tańda salynǵan aiyppul tolyq kólemde óteldi»-dep baiandady spiker.
Túrkistan oblysynyń Óńirlik kommýnikatsiialar qyzmeti
