2024 جىلدىڭ 8 ايىندا تۇركىستان وبلىسىنىڭ تاۋار نارىعىنداعى باسەكەلەستىكتىڭ جاي-كۇيىنە 41 تالداۋ جاسالعان.
جانار-جاعارماي ماتەريالدارى، سۇيىتىلعان مۇناي گاز، الەۋمەتتىك ماڭىزى بار ازىق-تۇلىك، مەديسينالىق قىزمەت كورسەتۋ، ەلەكتر ەنەرگياسىن ساتۋ سىندى سالالار زەرتتەلدى. ناتيجەسىندە باسەكەلەستىكتى قورعاۋ سالاسىنداعى زاڭنامانى بۇزعانى ءۇشىن جالپى قۇنى 2 ملن. 769 مىڭ تەڭگەنى قۇرايتىن 6 اكىمشىلىك حاتتاما تولتىرىلدى.
بۇل تۋرالى وتكەن بريفينگتە ق ر باسەكەلەستىكتى قورعاۋ جانە دامىتۋ اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى دانابەك ماحاتوۆ مالىمدەدى.
«دەپارتامەنت تاراپىنان نارىقتى تالداۋ، وتىنىشتەردى قاراۋ قورىتىندىسىمەن مونوپولياعا قارسى زاڭنامانى بۇزۋ بويىنشا 9 حابارلاما شىعارىلدى.
سونداي-اق، وبلىس اۋماعىندا سۇيىتىلعان مۇناي گازىن ءبولۋ كەزىندە قۇقىق بۇزۋشىلىقتار انىقتالدى. ورىن العان زاڭسىزدىق نەگىزىندە جاۋاپتى تۇلعالارعا 2 ملن 212 مىڭ تەڭگە كولەمىندە ايىپپۇل سالىنىپ، قازىرگى تاڭدا سالىنعان ايىپپۇل تولىق كولەمدە وتەلدى»-دەپ باياندادى سپيكەر.
تۇركىستان وبلىسىنىڭ وڭىرلىك كوممۋنيكاسيالار قىزمەتى
