بٷگٸن جەتٸسۋ وبلىسىندا «BIKEN FEST» IV حالىقارالىق تەاتر فەستيۆالٸ باستالدى. فەستيۆالعا بيىل تٷركييا, گرۋزييا, ٶزبەكستان مەملەكەتتەرٸنەن جەنە ەل ايماقتارىنان 8 تەاتر قاتىسىپ وتىر, دەپ حابارلايدى dalanews.kz.
الدىمەن تالدىقورعانداعى بيكەن ريموۆا اتىنداعى اكادەمييالىق دراما تەاترى عيماراتىنىڭ الدىندا فەستيۆالعا قاتىسۋشى تەاترلاردىڭ شەرۋٸ ۇيىمداستىرىلدى. مۇنان سوڭ تەاتر عيماراتىنىڭ زالىندا فەستيۆال كٷندەلٸگٸنەن ەستەلٸك بەينەجازبا كٶرسەتٸلدٸ.
سالتاناتتى شارانى قۇتتىقتاۋ سٶزٸمەن اشقان وبلىس ەكٸمٸنٸڭ ورىنباسارى دياس ەسدەۋلەتوۆ دەستٷرلٸ تەاتر مەرەكەسٸنٸڭ جەتٸسۋ ٶڭٸرٸندە وسىمەن تٶرتٸنشٸ جىل قاتارىنان ٶتكٸزٸلٸپ وتىرعانىن ايتتى.
- قادٸرلٸ قوناقتار مەن قاتىسۋشىلار, جەر جەنناتى جەتٸسۋعا قوش كەلدٸڭٸزدەر! «BIKEN FEST» فەستيۆالٸ العاش رەت 2023 جىلى قازاقستاننىڭ حالىق ەرتٸسٸ بيكەن ريموۆانىڭ 100 جىلدىق مەرەيتويىنا وراي ۇيىمداستىرىلىپ, جەتٸسۋ ٶڭٸرٸنٸڭ مەدەني يميدجٸن نىعايتاتىن ماڭىزدى جوباعا اينالدى. وسى 4 جىل ٸشٸندە بۇل ٸس-شاراعا 6 مەملەكەتتەن جەنە ەلٸمٸزدٸڭ ٶڭٸرلەرٸنەن بارلىعى 36 تەاتر قاتىستى. بيىل دا وسى فەستيۆالعا ارنايى شەتەلدەن جەنە ەلٸمٸزدەن 8 تەاتر كەلٸپ وتىر. بارشا تەاتر ۇجىمدارىن وبلىس ەكٸمٸنٸڭ اتىنان قۇتتىقتاپ, شىعارماشىلىق تابىس تٸلەيمٸن! ٶنەرٸمٸز ٶركەندەي بەرسٸن! – دەدٸ ول.
مۇنان سوڭ كٶرەرمەندەرگە د.راقىشەۆ اتىنداعى وبلىستىق فيلارمونييانىڭ مۇقان تٶلەباەۆ اتىنداعى حالىق اسپاپتار وركەسترٸنٸڭ كونتسەرتٸ ۇسىنىلدى.
تەاتر فەستيۆالٸ تۋرالى قازىلار القاسىنىڭ تٶراعاسى قازاقستاننىڭ ەڭبەك سٸڭٸرگەن قايراتكەرٸ, مۇحتار ەۋەزوۆ اتىنداعى قازاق ۇلتتىق دراما تەاترىنىڭ ديرەكتورى ەركٸن جۋاسبەك پٸكٸرٸن بٸلدٸردٸ:
- ەلٸمٸزدە ٶتەتٸن وسىنداي ونشاقتى تەاتر فەستيۆالٸ بار. ولاردىڭ بەرٸ دە قازاق ساحنا ٶنەرٸنٸڭ ٶسٸپ-جەتٸلۋٸنە سەپتٸگٸن تيگٸزٸپ جاتىر. سونىڭ بٸرٸ ٷزٸلمەي جىل سايىن جەتٸسۋ جەرٸندە ٶتكٸزٸلٸپ وتىرعانى بٸزدٸ قۋانتادى. بۇل تەك كەسٸبي ساحناگەرلەرگە عانا ەمەس, كٶرەرمەندەر ٷشٸن دە قىزىق شارا دەپ ويلايمىن. سەبەبٸ كەز كەلگەن كٶرەرمەننٸڭ تٷركيياعا, گرۋزيياعا بارىپ, سپەكتاكل كٶرٸپ قايتۋعا مٷمكٸندٸگٸ بولا بەرمەيدٸ. وعان قوسا ۇلتتىق ٶنەردٸ دامىتۋ دەگەن بٸر شەڭبەردە قالۋ ەمەس, ول مەدەني الماسۋلار, رۋحاني بايلانىستار ارقىلى تولىعا تٷسەدٸ, تەجٸريبە الماسۋ ارقىلى ٶسٸپ-جەتٸلٸپ وتىرادى, - دەدٸ ول.
سول سيياقتى گرۋزييانىڭ باتۋمي قالاسىنان كەلگەن تەاتر ۇجىمىنىڭ ٶكٸلدەرٸ دە وي قوستى.
- بٸز قازاقستانعا تۇڭعىش رەت كەلٸپ وتىرمىز. ەرتەڭ «دجازدا تەك قانا قىزدار» اتتى مۋزىكالىق قويلىمىن ساحنالايمىز. جالپى تەاتر ۇجىمىنان 40-تان استام, سونىڭ ٸشٸندە 19 اكتەر كەلدٸك. بٸر اتاپ ٶتەرلٸگٸ, ەرتەڭ 26 مامىر گرۋزييانىڭ تەۋەلسٸزدٸك كٷنٸ مەرەكەسٸ. سوعان وراي ەرتەڭ جەتٸسۋلىق كٶرەرمەنگە ٶنەر كٶرسەتەمٸز, ياعني ەرتەڭ بٸز ٷشٸن مەرەكەلٸك قۋانىش ەسەلەنە تٷسەدٸ, - دەدٸ ي. چاۆچاۆادزە اتىنداعى باتۋمي مەملەكەتتٸك دراما تەاترىنىڭ اكتەرٸ لەۆان تەدورادزە.
اتاپ ٶتسەك, «BIKEN FEST» IV حالىقارالىق تەاتر فەستيۆالٸ 29 مامىرعا دەيٸن جالعاسادى. بەس كٷن بويى تەاتر ساحناسىندا تٷركييانىڭ Painted bird تەاترى, ٶزبەكستاننىڭ قاشقادارييا وبلىستىق مۋزىكالىق دراما تەاترى, گرۋزييانىڭ ي. چاۆچاۆادزە اتىنداعى باتۋمي مەملەكەتتٸك دراما تەاترى, مەملەكەتتٸك اكادەمييالىق قۋىرشاق تەاترى, جاستار تەاترى, ن. جانتٶرين اتىنداعى ماڭعىستاۋ وبلىستىق مۋزىكالىق دراما تەاترى, تٷركٸستان مۋزىكالىق دراما تەاترى, شىعىس قازاقستان وبلىستىق دراما جەنە وپەرەتتا تەاترى ٶنەر كٶرسەتەدٸ.
