بٷگٸن وبلىس ەكٸمٸ مۇرات ەرگەشباەۆ وقۋ جىلىنىڭ اياقتالۋىنا وراي مىرزابەك دٷيسەنوۆ اتىنداعى №15 مەكتەپ-ليتسەيٸ تٷلەكتەرٸنٸڭ سالتاناتتى شاراسىنا قاتىستى. التىن ۇيادان ۇشقالى تۇرعان مەكتەپ بٸتٸرۋشٸلەرگە اقجولتاي تٸلەگٸن ارناپ, ۇستازدار قاۋىمىن مەرەكەمەن قۇتتىقتادى, دەپ حابارلايدى dalanews.kz.
بيىل ايماقتا 10 مىڭنان استام جاس تٷلەك ون بٸر جىل بويى بٸلٸم العان مەكتەبٸمەن قوشتاسىپ, جاڭا ٶمٸرگە جولداما الدى.
«شىن مەنٸندە, ەل مەن ەلدٸ, حالىق پەن حالىقتى تەڭەستٸرەتٸن – بٸلٸم. تەك بٸلٸم عانا كەز كەلگەن ادام ٷشٸن ٶمٸر جولىن دۇرىس تاڭداۋعا, ٶزٸنە دەگەن سەنٸمدٸلٸك پەن تابىسقا جەتۋگە زور مٷمكٸندٸك بەرەدٸ.
پرەزيدەنت قاسىم-جومارت كەمەلۇلى: «مەكتەپ – بٸلٸم مەن تەلٸم-تەربيەنٸڭ كيەلٸ ورداسى. ٶسكەلەڭ ۇرپاقتى بٸلٸمپازدىققا باۋلۋ قانشالىقتى ماڭىزدى بولسا, ولارعا دۇرىس جول كٶرسەتۋ, باعدار بەرۋ دە سونشالىقتى ماڭىزدى. بٸز جاستاردىڭ ادال ەرٸ ەڭبەكقور بولىپ ٶسۋٸنە ەرەكشە مەن بەرۋٸمٸز قاجەت», – دەگەن بولاتىن.
مەملەكەت باسشىسىنىڭ, ٷكٸمەتتٸڭ قولداۋىمەن ٶڭٸردە 200-دەن استام ەلەۋمەتتٸك نىسان بوي كٶتەردٸ. ونىڭ ٸشٸندە بٸلٸم بەرۋ سالاسىندا اۋقىمدى جوبالار جٷزەگە اسىرىلىپ, 45 جاڭا زاماناۋي بٸلٸم بەرۋ نىسانى ەل يگٸلٸگٸنە بەرٸلدٸ.
پرەزيدەنت باستاماسىمەن قولعا الىنعان «كەلەشەك مەكتەپتەرٸ» ۇلتتىق جوباسى اياسىندا 10 جاڭا مەكتەپ سالىندى. سونىڭ بٸرٸ – ٶزدەرٸڭٸز العاشقى تٷلەگٸ اتانىپ وتىرعان مىرزابەك دٷيسەنوۆ اتىنداعى №15 مەكتەپ-ليتسەيٸنٸڭ جاڭا عيماراتى. بۇل مەكتەپ اشىلعان سوڭ, «اراي» شاعىن اۋدانىنداعى مەملەكەتتٸك مەكتەپ مەسەلەسٸ تولىق شەشٸمٸن تاپتى.
ەلٸمٸزدەگٸ ەربٸر يگٸلٸكتٸ ٸس سٸزدەردٸڭ كەمەل كەلەشەكتەرٸڭٸزگە ارنالۋدا. سٸزدەر بٸلٸمگە دەگەن ۇمتىلىس, ادال ەڭبەك پەن تاباندى ٸس-ەرەكەت ارقىلى ەلگە قىزمەت ەتەتٸن ازامات بولىپ قالىپتاسادى دەپ سەنەمٸن. قاناتتارىڭىز تالماسىن! بەيبٸت ەلٸمٸزدٸڭ كٶگٸندە سامعاپ, اتا-انالارىڭىزدىڭ ٷمٸتٸن اقتاڭىزدار! ەردايىم جولدارىڭىز اشىق بولىپ, ارمان-ماقساتتارىڭىزعا جەتە بەرٸڭٸزدەر!», – دەدٸ مۇرات ەرگەشباەۆ.
ايماق باسشىسى وسى وقۋ جىلىندا 100-گە جۋىق سىربويىلىق وقۋشى رەسپۋبليكالىق, حالىقارالىق بٸلٸم بەيگەلەرٸندە توپ جارىپ, جٷلدەلٸ ورىن يەلەنگەنٸ ۇلاعاتتى ۇستازداردىڭ ەرەن ەڭبەگٸ ەكەنٸن ەرەكشە اتاپ ٶتتٸ.
بيىلعى وقۋ جىلىن ٶڭٸردٸڭ 320 مەكتەبٸندە 1-11 سىنىپ وقيتىن 189 288 وقۋشى اياقتادى, 987 وقۋشى «التىن بەلگٸگە», 1 141 وقۋشى «ٷزدٸك اتتەستاتقا» ٷمٸتكەر. ۇلتتىق بٸرىڭعاي تەستٸلەۋدٸڭ شەشۋشٸ كەزەڭٸ 10 مامىر-10 شٸلدە ارالىعىندا قىزىلوردا قالاسى, ارال, قازالى, جاڭاقورعان اۋداندارىنداعى تەستٸلەۋ ورتالىقتارىندا ٶتەدٸ. وعان 11-سىنىپتى بٸتٸرۋشٸ 10 317 تٷلەكتٸڭ 9 250-ٸ قاتىسادى.
وقۋشىلاردىڭ جازعى دەمالىسىن تيٸمدٸ ۇيىمداستىرۋ جوسپارلانعان. بيىل 170 مىڭنان استام وقۋشى جازعى تىنىعۋ لاگەرلەرٸندە, 150 مىڭعا جۋىق بالا مەكتەپ جانىنداعى لاگەرلەردە دەمالادى. جاقىندا پرەزيدەنت ساياباعى اۋماعىنان مەملەكەت باسشىسىنىڭ قولداۋىمەن جىل بويى ٷزدٸكسٸز قىزمەت كٶرسەتەتٸن وقۋ-ساۋىقتىرۋ ورتالىعى اشىلدى.
سالتاناتتى شارادا وبلىستىق ارداگەرلەر كەڭەسٸنٸڭ تٶراعاسى سەرٸك دٷيسەنباەۆ بٸلٸم ۇياسىنان قانات قاققان جاستارعا اق جول تٸلەپ, ٸزگٸ لەبٸزٸن بٸلدٸرسە, اتا-انالار اتىنان سٶز سٶيلەگەن مۇحيت تٶرەباەۆ ۇستازدارعا ريزاشىلىعىن جەتكٸزدٸ.
