Búgin oblys ákimi Murat Ergeshbaev oqý jylynyń aiaqtalýyna orai Myrzabek Dúisenov atyndaǵy №15 mektep-litseii túlekteriniń saltanatty sharasyna qatysty. Altyn uiadan ushqaly turǵan mektep bitirýshilerge aqjoltai tilegin arnap, ustazdar qaýymyn merekemen quttyqtady, dep habarlaidy dalanews.kz.
Biyl aimaqta 10 myńnan astam jas túlek on bir jyl boiy bilim alǵan mektebimen qoshtasyp, jańa ómirge joldama aldy.
«Shyn máninde, el men eldi, halyq pen halyqty teńestiretin – bilim. Tek bilim ǵana kez kelgen adam úshin ómir jolyn durys tańdaýǵa, ózine degen senimdilik pen tabysqa jetýge zor múmkindik beredi.
Prezident Qasym-Jomart Kemeluly: «Mektep – bilim men tálim-tárbieniń kieli ordasy. Óskeleń urpaqty bilimpazdyqqa baýlý qanshalyqty mańyzdy bolsa, olarǵa durys jol kórsetý, baǵdar berý de sonshalyqty mańyzdy. Biz jastardyń adal ári eńbekqor bolyp ósýine erekshe mán berýimiz qajet», – degen bolatyn.
Memleket basshysynyń, Úkimettiń qoldaýymen óńirde 200-den astam áleýmettik nysan boi kóterdi. Onyń ishinde bilim berý salasynda aýqymdy jobalar júzege asyrylyp, 45 jańa zamanaýi bilim berý nysany el igiligine berildi.
Prezident bastamasymen qolǵa alynǵan «Keleshek mektepteri» ulttyq jobasy aiasynda 10 jańa mektep salyndy. Sonyń biri – ózderińiz alǵashqy túlegi atanyp otyrǵan Myrzabek Dúisenov atyndaǵy №15 mektep-litseiiniń jańa ǵimaraty. Bul mektep ashylǵan soń, «Arai» shaǵyn aýdanyndaǵy memlekettik mektep máselesi tolyq sheshimin tapty.
Elimizdegi árbir igilikti is sizderdiń kemel keleshekterińizge arnalýda. Sizder bilimge degen umtylys, adal eńbek pen tabandy is-áreket arqyly elge qyzmet etetin azamat bolyp qalyptasady dep senemin. Qanattaryńyz talmasyn! Beibit elimizdiń kóginde samǵap, ata-analaryńyzdyń úmitin aqtańyzdar! Árdaiym joldaryńyz ashyq bolyp, arman-maqsattaryńyzǵa jete berińizder!», – dedi Murat Ergeshbaev.
Aimaq basshysy osy oqý jylynda 100-ge jýyq syrboiylyq oqýshy respýblikalyq, halyqaralyq bilim báigelerinde top jaryp, júldeli oryn ielengeni ulaǵatty ustazdardyń eren eńbegi ekenin erekshe atap ótti.
Biylǵy oqý jylyn óńirdiń 320 mektebinde 1-11 synyp oqityn 189 288 oqýshy aiaqtady, 987 oqýshy «Altyn belgige», 1 141 oqýshy «Úzdik attestatqa» úmitker. Ulttyq biryńǵai testileýdiń sheshýshi kezeńi 10 mamyr-10 shilde aralyǵynda Qyzylorda qalasy, Aral, Qazaly, Jańaqorǵan aýdandaryndaǵy testileý ortalyqtarynda ótedi. Oǵan 11-synypty bitirýshi 10 317 túlektiń 9 250-i qatysady.
Oqýshylardyń jazǵy demalysyn tiimdi uiymdastyrý josparlanǵan. Biyl 170 myńnan astam oqýshy jazǵy tynyǵý lagerlerinde, 150 myńǵa jýyq bala mektep janyndaǵy lagerlerde demalady. Jaqynda Prezident saiabaǵy aýmaǵynan Memleket basshysynyń qoldaýymen jyl boiy úzdiksiz qyzmet kórsetetin oqý-saýyqtyrý ortalyǵy ashyldy.
Saltanatty sharada oblystyq ardagerler keńesiniń tóraǵasy Serik Dúisenbaev bilim uiasynan qanat qaqqan jastarǵa aq jol tilep, izgi lebizin bildirse, ata-analar atynan sóz sóilegen Muhit Tórebaev ustazdarǵa rizashylyǵyn jetkizdi.
