قازاقستاننىڭ فرانتسيياداعى ەلشٸلٸگٸ جەنە قىزىلوردا وبلىسى ەكٸمدٸگٸنٸڭ, “Sumbe” كومپانيياسىنىڭ قولداۋىمەن پاريجدەگٸ اتاقتى ديپلوماتييالىق زالداردىڭ بٸرٸ – Cercle de l’Union Interalliée عيماراتىندا قىزىلوردا وبلىستىق فيلارمونيياسىنىڭ كونتسەرتٸ ٶتتٸ. مەدەني شارا ەۋروپاداعى وتانداستار مەن قانداستاردىڭ باسقوسۋى اياسىندا مەدەني بايلانىستى نىعايتۋ جەنە ۇلتتىق ٶنەر ارقىلى ۇلت بٸرلٸگٸن دەرٸپتەۋدٸ نەگٸز ەتتٸ, دەپ حابارلايدى dalanews.kz.
سىر ٶڭٸرٸنەن ارنايى بارعان شىعارماشىلىق ۇجىم كٶرەمەنگە حالقىمىزدىڭ تٶل ٶنەرٸن, دەستٷرلٸ مۋزىكاسىن, كٷي مەن بيدٸڭ وزىق ٷلگٸلەرٸن ۇسىندى. كەش شىمىلدىعى قۇرمانعازىنىڭ «بالبىراۋىن» كٷيٸمەن اشىلىپ, قورقىت مۇراسى, حالىق ەندەرٸ مەن اباي شىعارمالارى ورىندالىپ, كٶرەرمەننٸڭ زور قوشەمەتٸنە بٶلەندٸ.
كونتسەرتتٸ فرانتسيياداعى شەتەلدٸك ەلشٸلٸكتەردٸڭ باسشىلارى مەن قىزمەتكەرلەرٸ, كٶرنەكتٸ تۇلعالارى, ەۋروپانىڭ بٸرقاتار ەلدەرٸندە تۇرىپ جاتقان قانداستارىمىز, سونداي-اق پاريج قالاسىنىڭ تۇرعىندارى تاماشالادى.
گاسترولدٸك ساپارعا وبلىس ەكٸمٸنٸڭ ورىنباسارى ارداق زەبەشەۆ باستاعان سىر مەدەنيەتٸ مەن ٶنەرٸنٸڭ ناسيحاتشىلارى, ٶنەر ۇجىمدارى مەن ەرتٸستەرٸنەن قۇرالعان شىعارماشىلىق دەلەگاتسييا بارىپ قايتتى. كونتسەرتتە حالىق اسپاپتار انسامبلٸ, (كٶركەمدٸك جەتەكشٸسٸ نۇرعيسا نۇرباي), قازاقستاننىڭ ەڭبەك سٸڭٸرگەن قايراتكەرٸ, پروفەسسور مٷسٸلٸم ەمزە (دومبىرا), كٷيشٸ بولات كٷزەمباەۆ (دومبىرا), دەستٷرلٸ ورىنداۋشىلار, حالىقارالىق جەنە رەسپۋبليكالىق كونكۋرستاردىڭ لاۋرەاتى بيسەنبەك تٶلەۋباەۆ, جەنٸبەك جاقسان, فيلارمونييا سوليستەرٸ, حالىقارالىق جەنە رەسپۋبليكالىق كونكۋرستاردىڭ لاۋرەاتتارى گاۋحار بيسەكەنوۆا, ينديرا بايمبەتوۆا, جالىن جٷسٸپوۆ, ولجاس نۇراليەۆ, نازىم تٸلەۋلەسوۆا, ەلٸشەر شٶجەن, ارايلىم ماحانبەتجانوۆا جەنە «Ai-Aru» زاماناۋي بي انسامبلٸ ٶنەر كٶرسەتتٸ.
عاسىرلار سىرىن ساقتاعان, ەيفەل مۇناراسى اسقاقتاعان, سەنا جاعاسىندا سان تاعدىر مەن سان ٶنەر توعىسقان عاجايىپ شاھاردىڭ تۇرعىندارى مەن قوناقتارى ۇلتتىق قولٶنەر تۋىندىلارىن تاماشالاپ, ۇلتتىق مۋزىكامىز مەن ەلەمدٸك كلاسسيكانىڭ تانىمال شىعارمالارىن تىڭداۋعا مٷمكٸندٸك الدى. سىر بويىنىڭ تٶلتۋما ٶنەرٸن, قازاق ۇلتتىق فولكلورىن جوعارى دەڭگەيدە ناسيحاتتاعان ٶنەر يەلەرٸ كٶرەرمەننٸڭ زور ىقىلاسى مەن قۇرمەت-قوشەمەتٸنە بٶلەندٸ.
كونتسەرت رەجيسسەرٸ – «ەرەن ەڭبەگٸ ٷشٸن» مەدالٸنٸڭ جەنە «مەدەنيەت سالاسىنىڭ ٷزدٸگٸ» تٶسبەلگەسٸنٸڭ يەگەرٸ ازيزا ٸزدٸقۇلوۆا
