Qazaqstannyń Frantsiiadaǵy elshiligi jáne Qyzylorda oblysy ákimdiginiń, “Sumbe” kompaniiasynyń qoldaýymen Parijdegi ataqty diplomatiialyq zaldardyń biri – Cercle de l’Union Interalliée ǵimaratynda Qyzylorda oblystyq filarmoniiasynyń kontserti ótti. Mádeni shara Eýropadaǵy otandastar men qandastardyń basqosýy aiasynda mádeni bailanysty nyǵaitý jáne ulttyq óner arqyly ult birligin dáripteýdi negiz etti, dep habarlaidy dalanews.kz.
Syr óńirinen arnaiy barǵan shyǵarmashylyq ujym kóremenge halqymyzdyń tól ónerin, dástúrli mýzykasyn, kúi men bidiń ozyq úlgilerin usyndy. Kesh shymyldyǵy Qurmanǵazynyń «Balbyraýyn» kúiimen ashylyp, Qorqyt murasy, halyq ánderi men Abai shyǵarmalary oryndalyp, kórermenniń zor qoshemetine bólendi.
Kontsertti Frantsiiadaǵy sheteldik elshilikterdiń basshylary men qyzmetkerleri, kórnekti tulǵalary, Eýropanyń birqatar elderinde turyp jatqan qandastarymyz, sondai-aq Parij qalasynyń turǵyndary tamashalady.
Gastroldik saparǵa oblys ákiminiń orynbasary Ardaq Zebeshev bastaǵan Syr mádenieti men óneriniń nasihatshylary, óner ujymdary men ártisterinen quralǵan shyǵarmashylyq delegatsiia baryp qaitty. Kontsertte halyq aspaptar ansambli, (kórkemdik jetekshisi Nurǵisa Nurbai), Qazaqstannyń eńbek sińirgen qairatkeri, professor Músilim Ámze (dombyra), kúishi Bolat Kúzembaev (dombyra), dástúrli oryndaýshylar, halyqaralyq jáne respýblikalyq konkýrstardyń laýreaty Bisenbek Tóleýbaev, Jánibek Jaqsan, filarmoniia solisteri, halyqaralyq jáne respýblikalyq konkýrstardyń laýreattary Gaýhar Bisekenova, Indira Baimbetova, Jalyn Júsipov, Oljas Nuraliev, Nazym Tileýlesova, Álisher Shójen, Arailym Mahanbetjanova jáne «Ai-Aru» zamanaýi bi ansambli óner kórsetti.
Ǵasyrlar syryn saqtaǵan, Eifel munarasy asqaqtaǵan, Sena jaǵasynda san taǵdyr men san óner toǵysqan ǵajaiyp shahardyń turǵyndary men qonaqtary ulttyq qolóner týyndylaryn tamashalap, ulttyq mýzykamyz men álemdik klassikanyń tanymal shyǵarmalaryn tyńdaýǵa múmkindik aldy. Syr boiynyń tóltýma ónerin, qazaq ulttyq folkloryn joǵary deńgeide nasihattaǵan óner ieleri kórermenniń zor yqylasy men qurmet-qoshemetine bólendi.
Kontsert rejisseri – «Eren eńbegi úshin» medaliniń jáne «Mádeniet salasynyń úzdigi» tósbelgesiniń iegeri Aziza Izdiqulova
