Jyl basynan beri ǵaryshtyq monitoring arqyly Túrkistan oblysy aýmaǵynda ruqsat etilmegen 278 qoqys tastaityn oryn anyqtalǵan.
Búgingi tańda onyń 109-y tolyqtai tazartyldy. Al, reidtik is-sharalar nátijesinde jeke, laýazymdy jáne zańdy tulǵalarǵa jalpy somasy 3 045 900 teńge aiyppul salynǵan. Bul jaiynda Túrkistan oblysy boiynsha Ekologiia departamentiniń basshysy Qadyrhan Beisenbaev brifingte málimdedi.
-Memlekettik ekologiialyq baqylaý departamenti tarapynan ekologiialyq zańnama talaptarynyń saqtalýyna bailanysty 28 tekserý júrgizildi. Sondai-aq, 88 profilaktikalyq baqylaý jasaldy. Tekserý nátijeleri boiynsha 83 nusqama berildi. Sonymen qatar, 2024 jyldyń 9 aiynyń qorytyndysy boiynsha ekologiialyq zańnamany buzǵan 223 jaǵdai anyqtalyp, 467 514 186 teńge aiyppul salyndy. Onyń erikti túrde 38 812 605 teńgesi óndirilse, qalǵan somany májbúrlep óndirip alý úshin is sot oryndaýshylarǵa joldandy. Al, jumysyn ýaqytsha toqtatý boiynsha sotqa 4 talap-aryz tastalyp, tolyq qanaǵattandyryldy -, dedi spiker.
Túrkistan oblysynyń Óńirlik kommýnikatsiialar qyzmeti
