I.Jansúgirov atyndaǵy Jetisý ýniversitetinde «Atom energetikasy elimizdiń turaqty bolashaǵynyń bir bóligi» taqyrybynda dóńgelek ústel ótti. Oǵan Jetisý oblysy máslihatynyń hatshysy Gúlnar Toilybaeva, «AMANAT» partiiasynyń Jetisý oblysy boiynsha filialynyń tóraǵasy Arystanǵali Aryn jáne bilim ordasynyń ǵalymdary, oqytýshylary, qyzmetkerleri men bilim alýshylary qatysty.
Is-shara Memleket basshysynyń halyqqa Joldaýy aiasynda berilgen tapsyrmalar men mindetterdi júzege asyrýǵa baǵyttaldy.
Jiyndy I.Jansúgirov atyndaǵy Jetisý ýniversitetiniń Basqarma Tóraǵasy – Rektor Ermek Bóribaev júrgizip, AES qurylysy eldiń ǵylymi-tehnikalyq jáne joǵary bilikti kadrlyq áleýetiniń ósýine, jergilikti ónerkásipti damytýǵa múmkindik beretinin aitty.
Gúlnar Toilybaeva bilim ordasynyń ujymyna elimiz úshin Atom elektr stantsiiasyn salýdyń ekonomikalyq aspektilerin jan-jaqty túsindirse, Arystanǵali Aryn AES salynsa eldiń otyn kózderine táýeldiligi azaiyp, halyqtyń turmys tirshiligi jaqsara túsetinin aitty. Sondai-aq jiynǵa qatysýshylardyń AES salýǵa qatysty suraqtaryna tolyq jaýap berildi.
Taqyrypqa orai tehnikalyq fakýltet dekany, pedagogika ǵylymdarynyń kandidaty Iliias Esenǵabylov, psihologiia ǵylymdarynyń doktory, professor Hapiza Naýbaeva, fizika-matematika ǵylymdarynyń kandidaty, professor Aitpai Rahimbekov, Áleýmettik-shyǵarmashylyq jumys jónindegi bólim basshysy Barhýdar Gýsenov, Jobalyq keńse basshysy Miras Abdrahim baiandama jasap, atom energetikasynyń búgini men bolashaǵy jaily óz oilaryn ortaǵa saldy.
