Premer-ministrdiń birinshi orynbasary Roman Skliar men energetika ministri Almasadam Sátqaliev úkimet kýlýarynda Qazaqstanda AES qurylysy qalai júrgiziletinin aitty, - dep habarlaidy Dalanews.kz.
Almasadam Sátqalievtiń aitýynsha, zamanaýi stantsiialar barlyq qajetti qorǵanys quraldarymen jabdyqtalǵan.
"Bul barlyq qajetti fizikalyq qorǵanys quraldarymen - energetikalyq, radiologiialyq, eń az shyǵaryndylary bar, shyǵaryndylardy baqylaýdyń úsh eselengen deńgeiimen jáne qandai da bir paidalaný operatsiialaryn júzege asyrý rásimderimen jabdyqtalǵan ekologiialyq qaýipsiz obektiler", - dedi Energetika ministri.
Sonymen qatar, jýrnalister Sátqalievten "AES ornalasqan aimaqqa kóshýge daiynsyz ba?" dep surady.
Ministr qurylys barysyn qadaǵalap otyrý úshin issaparlarǵa jii barýyna týra keletinin aitty.
"Ol jerge jii barýdy josparlap otyrmyn. Elektr energiiasynyń tapshylyǵyn jabý boiynsha usynylǵan sheshim úshin jaýapkershilikke súiene otyryp, men osyndai uzaq issaparlarǵa barýǵa daiynmyn", - deidi ministr.
Al Roman Skliar AES qurylysymen konsortsiým ainalysýy múmkin ekenin aitty. Al Reseidiń qurylysqa aralasýy ne aralaspaýyn anyqtaý úshin sanktsiialyq táýekelder eskeriledi.
Buǵan deiin Roman Skliar Qazaqstan AES salýǵa qajetti tehnologiialar men merdigerlerdi 2025 jyly tańdaitynyn aitqan bolatyn.
Ol kelesi jyly jobamen ainalysatyn konsortsiýmǵa qatysýshylaryna qatysty, sondai-aq jobalyq qujattamany ázirleý jáne merdigerlerdi tańdaý boiynsha máseleler aiqyndalyp qalatynyn atap ótti.
Qazirgi ýaqytta halyqaralyq kompaniialar jobanyń tehnikalyq-ekonomikalyq negizdemesimen jumys isteýde, bul shamamen bir jyl ýaqytty alady. Osydan keiin jobalaý-smetalyq qujattamany ázirleý bastalady, ol taǵy 1,5 jylǵa sozylady, sodan keiin ǵana qurylys jumystary bastalady.
Buǵan deiin Qazaqstan prezidenti Qasym-Jomart Toqaev halyqaralyq seriktestermen birlesip atom elektr stantsiiasyn salý ideiasyn qoldaǵan bolatyn.
