«Baqylaý qyrandary» qoǵamdyq qozǵalysynyń esebi jariialandy, - dep habarlaidy Dalanews.kz.
6 qazan – referendým kúni «Baqylaý qyrandary» baqylaýshylar toby Qazaqstan boiynsha 10 qalada atap aitqanda, Almaty, Astana, Shymkent, Túrkistan, Qyzylorda, Jezqazǵan, Taraz, Taldyqorǵan, Talǵar jáne Qonaev qalarynda baqylaýshylyq jasady. Barlyǵy 1800 ýchaskede daýys berý protsesiniń shynaiy ári taza ótýin baqylady.
«Baqylaý qyrandary» baqylaýshylar tobyn qurý týraly bastama kóterilgennen bastap, esimderi elge belgili saiasattanýshy azamattar bizdiń bastamamyzdy qoldady. Almaty qalasyndaǵy Bas shtab pen óńirlik shtabtarda ár aimaqtarda pikir qalyptastyryp júrgen, qandai da bir partiialyq tizimde joq kóshbasshylar tańdalyp alyndy. Almaty qalasyndaǵy shtab pen óńirlik shtabtar baqylaýshylarly oqytý jumystaryn joǵarǵy deńgeide ótkizdi", - dep jazylǵan qorytyndyda.
Málimetke súiensek, «Baqylaý qyrandary» baqylaýshylar toby jasaqtalǵan kúnnen bastap referendýmǵa bir kún qalǵanǵa deiin Almaty men óńirlik shtabtarda barlyǵy 2 myńdai baqylaýshy oqytylyp, referedým kúni daýys berý ýchaskelerine 1800 baqylaýshy kirgizildi.
"Baqylaýshylar toby qoǵamdaǵy sergek sanaly, belsendi azamattardan jasaqtaldy. 200-den asa baqylaýshy fors-majorlyq jaǵdailar týyndaýy múmkin degen qaýippen rezervtik tizimge qosyldy.
Árbir baqylaýshy ózderine bekitilgen daýys berý ýchaskelerinde 6 qazan tańǵy saǵat 06:00-den, keshki 20:00-ge deiin tapjylmai otyryp, baqylaýshylyq jasady. Sonymen qatar, baqylaýshylar referendýmnyń ádil ótýi maqsatynda áleýmettik jeliler arqyly jazbalar jazyp, qoǵamdy azamattyq belsendilikke shaqyrdy. Posttar daýys berýde zańdy saqtaý, ádil daýys berýge úgitteý, zań buzýshylyqtan aýlaq bolýǵa shaqyratyn sarynda jazyldy.
Bizdiń baqylaýshylar túgel derlik sailaý ýchaskelerinde keshki 20:00 de shyqty.Olardyń bastapqy toltyrylǵan sailaý qujattary qazir bizdiń shtabpen saralanýda. Degenmen referendýmnyń ótý protsesine bizdiń taraptan oń baǵa berýge bolady dep esepteimiz. Daýys berýshilerdiń sailaý mádenieti, kommisiia músheleriniń olarǵa degen qarym-qatynasy, zańdylyq, joǵarǵy deńgeide boldy", - dep jazylǵan qorytyndyda.
Sonymen qatar, baqylaý barysynda, 1800 ýchaskeden bizdiń 2000-ǵa jýyq baqylaýshylarymyz irili-usaqty 50-den asa kemshilikterdi baiqap, olarǵa qatysty protokoldar toltyrǵan. Atap aitqanda keibir ýchaskelerde ózge baqylaýshylar tarapynan ásire agressiia, keibir jerlerde kabinaǵa top adamdardyń kirýi, kýáligi joq adamdardyń daýys berý faktileri baiqalǵan.
