«باقىلاۋ قىراندارى» قوعامدىق قوزعالىسىنىڭ ەسەبى جاريالاندى، - دەپ حابارلايدى Dalanews.kz.
6 قازان – رەفەرەندۋم كۇنى «باقىلاۋ قىراندارى» باقىلاۋشىلار توبى قازاقستان بويىنشا 10 قالادا اتاپ ايتقاندا، الماتى، استانا، شىمكەنت، تۇركىستان، قىزىلوردا، جەزقازعان، تاراز، تالدىقورعان، تالعار جانە قونايەۆ قالارىندا باقىلاۋشىلىق جاسادى. بارلىعى 1800 ۋچاسكەدە داۋىس بەرۋ پروسەسىنىڭ شىنايى ءارى تازا ءوتۋىن باقىلادى.
«باقىلاۋ قىراندارى» باقىلاۋشىلار توبىن قۇرۋ تۋرالى باستاما كوتەرىلگەننەن باستاپ، ەسىمدەرى ەلگە بەلگىلى ساياساتتانۋشى ازاماتتار ءبىزدىڭ باستامامىزدى قولدادى. الماتى قالاسىنداعى باس شتاب پەن وڭىرلىك شتابتاردا ءار ايماقتاردا پىكىر قالىپتاستىرىپ جۇرگەن، قانداي دا ءبىر پارتيالىق تىزىمدە جوق كوشباسشىلار تاڭدالىپ الىندى. الماتى قالاسىنداعى شتاب پەن وڭىرلىك شتابتار باقىلاۋشىلارلى وقىتۋ جۇمىستارىن جوعارعى دەڭگەيدە وتكىزدى"، - دەپ جازىلعان قورىتىندىدا.
مالىمەتكە سۇيەنسەك، «باقىلاۋ قىراندارى» باقىلاۋشىلار توبى جاساقتالعان كۇننەن باستاپ رەفەرەندۋمعا ءبىر كۇن قالعانعا دەيىن الماتى مەن وڭىرلىك شتابتاردا بارلىعى 2 مىڭداي باقىلاۋشى وقىتىلىپ، رەفەرەدۋم كۇنى داۋىس بەرۋ ۋچاسكەلەرىنە 1800 باقىلاۋشى كىرگىزىلدى.
"باقىلاۋشىلار توبى قوعامداعى سەرگەك سانالى، بەلسەندى ازاماتتاردان جاساقتالدى. 200-دەن اسا باقىلاۋشى فورس-ماجورلىق جاعدايلار تۋىنداۋى مۇمكىن دەگەن قاۋىپپەن رەزەرۆتىك تىزىمگە قوسىلدى.
ءاربىر باقىلاۋشى وزدەرىنە بەكىتىلگەن داۋىس بەرۋ ۋچاسكەلەرىندە 6 قازان تاڭعى ساعات 06:00-دەن، كەشكى 20:00-گە دەيىن تاپجىلماي وتىرىپ، باقىلاۋشىلىق جاسادى. سونىمەن قاتار، باقىلاۋشىلار رەفەرەندۋمنىڭ ءادىل ءوتۋى ماقساتىندا الەۋمەتتىك جەلىلەر ارقىلى جازبالار جازىپ، قوعامدى ازاماتتىق بەلسەندىلىككە شاقىردى. پوستتار داۋىس بەرۋدە زاڭدى ساقتاۋ، ءادىل داۋىس بەرۋگە ۇگىتتەۋ، زاڭ بۇزۋشىلىقتان اۋلاق بولۋعا شاقىراتىن سارىندا جازىلدى.
ءبىزدىڭ باقىلاۋشىلار تۇگەل دەرلىك سايلاۋ ۋچاسكەلەرىندە كەشكى 20:00 دە شىقتى.ولاردىڭ باستاپقى تولتىرىلعان سايلاۋ قۇجاتتارى ءقازىر ءبىزدىڭ شتابپەن سارالانۋدا. دەگەنمەن رەفەرەندۋمنىڭ ءوتۋ پروسەسىنە ءبىزدىڭ تاراپتان وڭ باعا بەرۋگە بولادى دەپ ەسەپتەيمىز. داۋىس بەرۋشىلەردىڭ سايلاۋ مادەنيەتى، كومميسيا مۇشەلەرىنىڭ ولارعا دەگەن قارىم-قاتىناسى، زاڭدىلىق، جوعارعى دەڭگەيدە بولدى"، - دەپ جازىلعان قورىتىندىدا.
سونىمەن قاتار، باقىلاۋ بارىسىندا، 1800 ۋچاسكەدەن ءبىزدىڭ 2000-عا جۋىق باقىلاۋشىلارىمىز ءىرىلى-ۇساقتى 50-دەن اسا كەمشىلىكتەردى بايقاپ، ولارعا قاتىستى پروتوكولدار تولتىرعان. اتاپ ايتقاندا كەيبىر ۋچاسكەلەردە وزگە باقىلاۋشىلار تاراپىنان اسىرە اگرەسسيا، كەيبىر جەرلەردە كابيناعا توپ ادامداردىڭ كىرۋى، كۋالىگى جوق ادامداردىڭ داۋىس بەرۋ فاكتىلەرى بايقالعان.
