Ortalyq sailaý komissiiasy AES boiynsha referendýmnyń aldyn-ala qortynydysyn jariialady, - dep habarlaidy Dalanews.kz.
Ortalyq Tóraǵasy Nurlan Ábdirovtyń málimetinshe, referendýmge 5 millionnan astam qazaqstandyq qatysqan.
"7 qazan tańyndaǵy aldyn ala daýys berý nátijeleri kelesidei kórinedi: 71,12 paiyz azamat qoldady, al 2 452 071 azamat qarsy daýys berdi", - dep málimdedi Tóraǵa.
Eske salsaq, 6 qazanda ótken referendýmǵa daýys berý tizimine 12,3 millionǵa jýyq qazaqstandyq engizilgen.
Referendýmǵa 30 shet memleket pen tórt halyqaralyq uiymnyń (Táýelsiz Memleketter Dostastyǵy, Shanhai yntymaqtastyq uiymy, Túrki memleketteri uiymy, Aziiadaǵy ózara is-qimyl jáne senim sharalary jónindegi keńes) atynan 177 baiqaýshy qatysty.
Daýys berý barysyn 14 memlekettiń ortalyq sailaý organdarynyń ókilderi, sonyń ishinde Ázirbaijan, Belarýs, Tájikstan jáne Ózbekstan ortalyq sailaý organdarynyń tóraǵalary da baqylap otyrdy.
Qazaqstan Respýblikasynyń Syrtqy ister ministrligi 37 elden 200 sheteldik jýrnalisterdi akkredittedi, olar da respýblikalyq referendýmdy baqylap,aqparat taratty.
