Búgin Auezov University-de«Atom elektr stansıasyn salýdaǵy sheteldik tájirıbesi» taqyrybynda dóńgelek ústel ótti.

İs-sharaǵa ýnıversıtettiń profesorlyq-oqytýshylyq quramy, ǵalymdar, Shymkent qalasynyń energetıkalyq kásiporyndarynyń ókilderi, doktoranttar, magıstranttar, stýdentter, stýdenttik birlestikterdiń ókilderi qatysty.

Kezdesý barysynda dóńgelek ústelge qatysýshylar kelesi máselelerdi qarady:
-álemdegi atom energetıkasynyń qazirgi jaǵdaıyn zertteý jáne taldaý;
-atom elektr stansıalary negizinde turaqty jáne ekologıalyq taza energıa óndirý;
-atom energetıkasy Qazaqstannyń energetıkalyq táýelsizdigin qamtamasyz etý quraly retinde;
-atom elektr stansıalaryn paıdalanýdyń halyqaralyq tájirıbesi jáne onyń Qazaqstannyń energetıka salasyn damytýdaǵy mańyzy.

Basqarma múshesi-Áleýmettik jáne tárbıe jumysy jónindegi prorektory Ǵanı Ábzelbekuly Besbaev quttyqtaý sóz sóıledi.

İs-sharada «Energetıka jáne dástúrli emes energetıkalyq júıeler» kafedrasynyń t.ǵ.k., dosenti Ilásov Ramıl Mahmýdovıch baıandama jasady. Baıandamashy óz sózinde Qazaqstan energetıkasynyń qazirgi jaı-kúıin aıtyp, atom energetıkasy kómirsýtekti otyndardy óndirý men jaǵý óndirisiniń ulǵaıýyn toqtatý jáne elektr energıasyn qamtamasyz etýdiń birden-bir naqty joly ekenin baıandady.

İs-sharada «Azıa Trafo» JSHS basqarma tóraǵasynyń orynbasary Ateev Dáýirbek Taǵaıuly qonaq retinde sóz sóıledi. Ol Qazaqstan Respýblıkasynyń ońtústigindegi elektr energıasynyń qazirgi tapshylyǵyna baılanysty jańa generasıa kózderin izdeý qajettiligi týraly aıtty. Elektrmen jabdyqtaý turaqty, sapaly jáne senimdi bolýy kerek, bul talaptarǵa sáıkes keletin atom elektr stansıalary bolyp tabylady.

«Energoortalyq-3» AQ paıdalaný jónindegi bas ınjener-menedjer Erbotaev Janserik Anarqululy óz sózinde mynalarǵa toqtaldy: «Barlyq jumys istep turǵan jylý jáne elektr stansıalarynyń tozý dárejesi shamamen 70% quraıdy. Elimizdiń energetıkalyq qaýipsizdigin qamtamasyz etýdiń bir joly – beıbit atomdardy paıdalaný. Atom elektr stansıasynda energıa óndirý kezinde qorshaǵan ortanyń lastanýy bolmaıdy. Atom elektr stansıasynyń jumys isteý prınsıpi jylý elektr stansıasyna uqsas, tek jylý otyn jaǵý arqyly emes, ıadrolyq reaksıa nátıjesinde bólinedi. Atom energıasy – bolashaqtyń energıa kózi».

Sonymen qatar 7M07150 «Elektrenergetıkasy» BBB mamandyǵynyń 2 kýrs magıstranty Áben Dinmuhammed Muhtarulynyń baıandamasy tyńdaldy. Magıstrant jas ǵalymdar atynan sóz sóılep, Qytaı men Reseı Federasıasyndaǵy jumys istep turǵan atom elektr stansalarynyń artyqshylyqtaryna toqtaldy.
Óz baıandamasynda Ábdisattar Ábdiǵapparuly Apetanov («QýatJylýOrtalyq-3» MKK dırektorynyń ınfraqurylymdy damytý jónindegi orynbasary) «Atom elektr stansasynyń qurylysy elimizdiń energetıkalyq qaýipsizdigi men ekonomıkalyq ósýin qamtamasyz etedi. Eń joǵary júkteme kezinde biz jetispeıtin energıany kórshi memleketten (Reseı Federasıasy) alamyz.

Atom elektr stansıalary jetispeıtin energıany oryn toltyrýdyń senimdi kózi bolyp tabylady.

PhD doktory, «Energetıka jáne dástúrli emes energetıkalyq júıeler» kafedrasynyń dosenti Faız Nursultan Saparuly. Ol óz baıandamasynda shet elderde: AQSH, Ońtústik Koreıa jáne Fransıada atom energetıkasyn damytý mysaldaryn keltirdi. Ozyq tehnologıalar men ekologıalyq qaýipsizdik standarttaryn eskere otyryp, atom energetıkasyn damytý Qazaqstanǵa turaqty damýǵa, kómirqyshqylsyzdandyrý maqsattaryna qol jetkizýge jáne jahandyq energetıkadaǵy qazba resýrstaryna táýeldilikti azaıtýǵa kómektesýi múmkindigin aıtyp jetkizdi.

İs-shara pikirtalaspen aıaqtaldy, onyń qorytyndysy boıynsha qatysýshylar spıkerlerge suraqtar qoıyp, pikir almasyp, iskerlik baılanys ornatty.