Prezident Qasym-Jomart Toqaev Atyraý, Jambyl, Mańǵystaý jáne Ulytaý oblystarynyń ákimderimen telefon arqyly sóilesip, óńirlerdiń áleýmettik-ekonomikalyq damýy máselelerin talqylady, dep habarlaidy Dala News.
Memleket basshysyna Atyraý oblysynyń ákimi Serik Shápkenov, Jambyl oblysynyń ákimi Erbol Qarashókeev, Mańǵystaý oblysynyń ákimi Nurdáýlet Qilybai jáne Ulytaý oblysynyń ákimi Dastan Ryspekov óńirlerdegi ahýal týraly baiandady.
Prezident óńirlerdi damytý jańa tásilderdi talap etetinin atap ótip, oblys ekonomikasyn nyǵaitý jáne turǵyndardy alańdatatyn áleýmettik máselelerdi sheshý úshin naqty sharalar qabyldaýdy tapsyrdy.
Sondai-aq Qasym-Jomart Toqaev áleýmettik infraqurylym nysandarynyń qurylysyn jedeldetýdi talap etti. Atap aitqanda, balalardy ońaltý ortalyqtaryn, emhanalar men aýrýhanalardy, sondai-aq balalar men jastarǵa arnalǵan basqa da nysandardy salý jumystaryna erekshe nazar aýdarý qajettigin aitty.
Memleket basshysy «Taza Qazaqstan» aktsiiasy aiasyndaǵy jumystardy jalǵastyrýdyń mańyzdylyǵyna da toqtaldy.
Prezident ákimderge halyqpen turaqty bailanysta bolyp, týyndaityn máselelerge jedel den qoiýdy, ekologiialyq jaǵdaidy baqylaýda ustaýdy jáne qoǵamdyq tártip máselelerine erekshe nazar aýdarýdy tapsyrdy.
