پرەزيدەنت قاسىم-جومارت توقاەۆ اتىراۋ, جامبىل, ماڭعىستاۋ جەنە ۇلىتاۋ وبلىستارىنىڭ ەكٸمدەرٸمەن تەلەفون ارقىلى سٶيلەسٸپ, ٶڭٸرلەردٸڭ ەلەۋمەتتٸك-ەكونوميكالىق دامۋى مەسەلەلەرٸن تالقىلادى, دەپ حابارلايدى Dala News.
مەملەكەت باسشىسىنا اتىراۋ وبلىسىنىڭ ەكٸمٸ سەرٸك شەپكەنوۆ, جامبىل وبلىسىنىڭ ەكٸمٸ ەربول قاراشٶكەەۆ, ماڭعىستاۋ وبلىسىنىڭ ەكٸمٸ نۇردەۋلەت قيلىباي جەنە ۇلىتاۋ وبلىسىنىڭ ەكٸمٸ داستان رىسپەكوۆ ٶڭٸرلەردەگٸ احۋال تۋرالى باياندادى.
پرەزيدەنت ٶڭٸرلەردٸ دامىتۋ جاڭا تەسٸلدەردٸ تالاپ ەتەتٸنٸن اتاپ ٶتٸپ, وبلىس ەكونوميكاسىن نىعايتۋ جەنە تۇرعىنداردى الاڭداتاتىن ەلەۋمەتتٸك مەسەلەلەردٸ شەشۋ ٷشٸن ناقتى شارالار قابىلداۋدى تاپسىردى.
سونداي-اق قاسىم-جومارت توقاەۆ ەلەۋمەتتٸك ينفراقۇرىلىم نىساندارىنىڭ قۇرىلىسىن جەدەلدەتۋدٸ تالاپ ەتتٸ. اتاپ ايتقاندا, بالالاردى وڭالتۋ ورتالىقتارىن, ەمحانالار مەن اۋرۋحانالاردى, سونداي-اق بالالار مەن جاستارعا ارنالعان باسقا دا نىسانداردى سالۋ جۇمىستارىنا ەرەكشە نازار اۋدارۋ قاجەتتٸگٸن ايتتى.
مەملەكەت باسشىسى «تازا قازاقستان» اكتسيياسى اياسىنداعى جۇمىستاردى جالعاستىرۋدىڭ ماڭىزدىلىعىنا دا توقتالدى.
پرەزيدەنت ەكٸمدەرگە حالىقپەن تۇراقتى بايلانىستا بولىپ, تۋىندايتىن مەسەلەلەرگە جەدەل دەن قويۋدى, ەكولوگييالىق جاعدايدى باقىلاۋدا ۇستاۋدى جەنە قوعامدىق تەرتٸپ مەسەلەلەرٸنە ەرەكشە نازار اۋدارۋدى تاپسىردى.
