Almaty oblysyndaǵy Talǵardaǵy rezonansty oqiǵadan keiin qyzmetinen ketken politsiia generaly Serik Shalharov Aqtóbe oblysy politsiia departamenti bastyǵynyń birinshi orynbasary bolyp taǵaiyndaldy, dep habarlaidy Dala News.
Bul aqparatty Aqtóbe oblystyq politsiia departamenti rastady.
Serik Shalharov buǵan deiin Almaty oblysy politsiia departamenti bastyǵynyń birinshi orynbasary qyzmetin atqarǵan. Alaida Talǵardaǵy qoǵamda úlken rezonans týdyrǵan oqiǵadan keiin qyzmetinen ketken bolatyn.
Jańa qyzmetinde ol Aqtóbe oblysy politsiia departamenti bastyǵynyń birinshi orynbasary laýazymyn ielendi.
Serik Shalharov 1974 jyly Ońtústik Qazaqstan oblysynyń Maqtaaral aýdanynda dúniege kelgen. Eńbek jolyn 1992 jyly júrgizýshi bolyp bastaǵan. 1994 jyldan bastap ishki ister organdarynda qyzmet atqaryp, Shymkent pen Túrkistan óńirlerindegi qylmystyq politsiia bólimshelerinde túrli laýazymdarda jumys istedi.
2014 jyldan bastap Maqtaaral aýdandyq ishki ister bólimin basqardy, keiin Túrkistan oblysy politsiia departamentinde basshylyq qyzmetter atqardy. 2020 jyly IIM Kriminaldyq politsiia departamenti bastyǵynyń orynbasary bolyp taǵaiyndalyp, respýblikalyq deńgeidegi jedel-izdestirý jumystaryna jetekshilik etti.
2023 jyly Almaty oblysy politsiia departamentiniń kriminaldyq politsiia basqarmasynyń bastyǵy, al 2024 jyly oblystyq politsiia departamenti bastyǵynyń birinshi orynbasary qyzmetine kirisken edi.
