الماتى وبلىسىنداعى تالعارداعى رەزونانستى وقيعادان كەيٸن قىزمەتٸنەن كەتكەن پوليتسييا گەنەرالى سەرٸك شالحاروۆ اقتٶبە وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى بولىپ تاعايىندالدى, دەپ حابارلايدى Dala News.
بۇل اقپاراتتى اقتٶبە وبلىستىق پوليتسييا دەپارتامەنتٸ راستادى.
سەرٸك شالحاروۆ بۇعان دەيٸن الماتى وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى قىزمەتٸن اتقارعان. الايدا تالعارداعى قوعامدا ٷلكەن رەزونانس تۋدىرعان وقيعادان كەيٸن قىزمەتٸنەن كەتكەن بولاتىن.
جاڭا قىزمەتٸندە ول اقتٶبە وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى لاۋازىمىن يەلەندٸ.
سەرٸك شالحاروۆ 1974 جىلى وڭتٷستٸك قازاقستان وبلىسىنىڭ ماقتاارال اۋدانىندا دٷنيەگە كەلگەن. ەڭبەك جولىن 1992 جىلى جٷرگٸزۋشٸ بولىپ باستاعان. 1994 جىلدان باستاپ ٸشكٸ ٸستەر ورگاندارىندا قىزمەت اتقارىپ, شىمكەنت پەن تٷركٸستان ٶڭٸرلەرٸندەگٸ قىلمىستىق پوليتسييا بٶلٸمشەلەرٸندە تٷرلٸ لاۋازىمداردا جۇمىس ٸستەدٸ.
2014 جىلدان باستاپ ماقتاارال اۋداندىق ٸشكٸ ٸستەر بٶلٸمٸن باسقاردى, كەيٸن تٷركٸستان وبلىسى پوليتسييا دەپارتامەنتٸندە باسشىلىق قىزمەتتەر اتقاردى. 2020 جىلى ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى بولىپ تاعايىندالىپ, رەسپۋبليكالىق دەڭگەيدەگٸ جەدەل-ٸزدەستٸرۋ جۇمىستارىنا جەتەكشٸلٸك ەتتٸ.
2023 جىلى الماتى وبلىسى پوليتسييا دەپارتامەنتٸنٸڭ كريمينالدىق پوليتسييا باسقارماسىنىڭ باستىعى, ال 2024 جىلى وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى قىزمەتٸنە كٸرٸسكەن ەدٸ.
