Nur Otan jiynynda sharýlar qýańshylyqtyń qutyrtqan jaittardy ashyp aitty
Keńeske Túrkistan oblysy ákiminiń orynbasary Ulan Tájibaev, «Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi Beisen Tájibaev, oblystyq máslihat depýtattary jáne jaýapty basqarma men mekeme ókilderi, keńes músheleri qatysty.
Kún tártibindegi birinshi másele – Óńirde bolyp jatqan qýańshylyqqa qarsy is-sharalar týraly Túrkistan oblystyq aýyl sharýashylyǵy basqarmasy basshysynyń orynbasary Turǵanbek Ospanov baiandama jasady. Onyń aitýynsha, Túrkistan oblysynda vegetatsiialyq kezeń aǵyn sý tapshylyǵyna bailanysty qiyndaý ótip jatyr.
– Ordabasy, Otyrar, Saýran, Báidibek aýdandary men Arys, Kentaý qalalarynda egistikti aǵyn sýmen qamtý kúrdeli bolyp tur. Bul aýmaqtarǵa «Bógen» sý qoimasy arqyly sý jetkizilýde. Jyldan-jylǵa sý tapshylyǵynyń ulǵaiyp kele jatqany eskerilip, basqarma tarpynan únemdeý tehnologiialaryn engizý, egistikti ártaraptandyrý jumystary qolǵa alyndy. Nátijesinde biyl malǵa arnalǵan azyqtyq daqyldardyń kólemi 4,1 myń gektarǵa artyp, 216,9 myń gektarǵa jetip otyr. Baqsha daqyldary 11,8 myń gektarǵa artyp, 73,4 myń gektarǵa egilse, maqta kólemi kemitilip, 108 myń gektardy qurady. Túrkistan oblysynda sýarmaly jer kólemi 548 myń gektar bolsa, qazir sonyń 453 gektary igerilgen, – degen ol aǵyn sýǵa qatysty ótkir problemalardy da qozǵady.
Basqarma tiisti qurylymdarmen sý qoimalarynda aǵyn sý kólemin 70 paiyzdan asyrmaý tapsyrmasyna qaramastan qýańshylyqtyń aldyn alý úshin «Bógen», «Qosqorǵan» sý qoimalarynda sý mólsherin 95 paizyǵa deiin toltyrǵan. Oblystyq biýdjet esebinen sońǵy 2 jylda 243 shaqyrymdy quraityn 61 kanal jóndelgen.
– Byltyr Syrdariia ózeninen Qyzylorda oblysyna 4159,9 mln tekshe metr sý limiti bekitilip, 4071 mln tekshe metr sý jiberilgen. Al Túrkistan oblysyna josparlanǵan 2215,2 mln tekshe metr sýdyń tek 1676,3 mln tekshe metri ǵana jetkizildi. Iaǵni, oblysqa 538,9 mln. tekshe metr sý az berildi. Bul máseleni respýblikalyq deńgeide talqylap, Syrdariianyń sýyn uqypty paidalanýdy qolǵa alý kerek, – degen Turǵanbek Ospanov jalpy aitqanda óńirde malǵa arnalǵan jem-shóp jetkilikti ekenin jetkizdi. Degenmen jekelegen aýdandarda bul másele kúrdeli. Sondyqtan shóp bitik shyqqan aýdandardan, aýmaqtardan shóleit aýmaqtarǵa shóp pen azyqty jetkizýdi úilestirý, baǵany kótermeý jumystary qatań baqylaýǵa alynǵan.
Kún tártibindegi ekinshi másele – aǵyn sýdyń jai-kúii boiynsha «Qazsýshar» sharýashylyq quqyǵyndaǵy RMK Túrkistan oblystyq filialy direktorynyń orynbasary Asqar Qystaýbaev baiandama jasady. Ol transshekaralyq ózender men óńirdegi respýblikalyq menshiktegi sý qoimalarynyń qazirgi jaǵdaiyna toqtaldy.
– Túrkistan oblysynyń negizgi sýarmaly alqaptary transhekaralyq ózenderge táýeldi. Biraq kórshiles elden keletin sý jyl saiyn der kezinde jáne tolyq alynbai keledi. Onyń túrli sebepteri bar. Byltyr Syrdariia ózeni basseinindegi sý tapshylyǵy aiqyn sezildi. Osyǵan bailanysty QR Ekologiia, geologiia jáne tabiǵi resýrstar ministri Maǵzum Myrzaǵaliev Tájikistandaǵy osy salaǵa jaýapty ministrmen kezdesip, kelissóz júrgizdi. Nátijesinde «Bahri Tochih» sý qoimasynan 315 mln. tekshe metr sýdy Qazaqstanǵa bosatý jóninde kelisimge qol jetkizdi, – degen ol memleketaralyq Zah, Hanym kanaldaryn jóndeý kerektigin aitty.
Jiynda oblystyq máslihat depýtattary Talǵat Qarjaýov pen Ǵabiden Qapalbaev aýyldarǵa dizel otynyn jetkizetin operatorlardyń jumysyn júieleý, olarǵa talapty kúsheitý jónindegi usynystaryn jetkizdi. Sonymen birge aǵyn sýdy retimen berýdi úilestirip, retke keltirý joldary da aityldy. Depýtat Bekarys Shoibekov jerdi jalǵa alǵan keibir azamattardyń shóbin ne ózi shappai, ne ózge azamattarǵa shapqyzbaitynyn, jalpy sharýalarǵa osy baǵytta qoldaý kórsetilý kerektigin jetkizdi. Sonymen birge keibir kanaldardyń qojaiyndary sý arnasyn ýaqtyly tazalamai, sonyń saldarynan ózge sharýalar qiyndyq kórip jatqany da aityldy. Oblystyq máslihat depýtaty, keńes tóraǵasy Erlan Nurmahanov sý tapshylyǵy jyl saiyn kúrdelene berse, sýdy únemdeý tehnologiialaryn engizý kerektigin, egistikti ártaraptandyrý boiynsha sharýalarǵa túsindirý jumystary toqtaýsyz júrgizý kerektigine toqtaldy. «Sýdy únemdeitin joǵary tehnologiialardy paidalaný úshin aýyldarda elektr qýaty jetkilikti bolýy kerek. Bul másele de tolyq sheshildi deý qiyn. Qysqasy, agrosala azyq-túlik, mal azyǵy sekildi salalarǵa úlken jospar men ǵylymi ádis kerek. Ǵylymi ortalyqtarymyzdyń áleýetin paidalanatyn kez keldi», – dedi ol.
Túrkistan oblysy ákiminiń orynbasary Ulan Tájibaev árbir usynys pen pikirdi nazarǵa alyp, osyndai minber usynǵan «Nur Otan» partiiasyna alǵysyn bildirdi.
– Biylǵy qýańshylyq aýyl sharýashylyǵy salasyndaǵy kóptegen problemany aiqyndap berdi. Aǵyn sý tapshylyǵy, egistikti ártaraptandyrý, jerdi tiimdi paidalaný, sharýalarǵa qajetti janar-jaǵar maidy ýaqtyly jetkizý jáne ózge de máselelerdi anyqtadyq. Aldaǵy ýaqytta osy túitkilderdi sheshý úshin fraktsiia depýtattarymen jáne osy salaǵa jaýapty ókildermen, agrosala qyzmetkerlerimen birlese komissiialar quryp, júieli túrde sheshemiz, – dedi ol.
Májilisti qorytyndylaǵan «Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev keńeste aitylǵan usynystar hattamaǵa engizilip, partiia baqylaýyna alynatynyn jetkizdi.
