Densaýlyq saqtaý mınıstrliginiń málimeti boıynsha, tekserýge ishki ister organdarymen birlesip monıtorıńtik toptar tartylady.
Halyqtyń sanıtarıalyq-epıdemıologıalyq salamattylyǵy salasynda memlekettik organdar ishki ister organdarynan tıisti materıaldardy alǵan kezde Halyq densaýlyǵy jáne densaýlyq saqtaý júıesi týraly kodekstiń 82-babynda kózdelgen mindetterdi oryndamaǵany úshin jumys berýshilerge ákimshilik quqyq buzýshylyq týraly hattama toltyrylady:
- sanıtarıalyq-epıdemıologıalyq jáne sanıtarıalyq-profılaktıkalyq sharalardy júrgizý;
- kórsetiletin qyzmetterdiń qaýipsizdigin qamtamasyz etý;
- sanepıdbaqylaý organdarynyń laýazymdy tulǵalarynyń aktilerin oryndaý;
- qyzmetkerler arasynda densaýlyqty nyǵaıtý jáne aýrýlardyń aldyn alý úshin qolaıly jaǵdaılar jasaý.
"QR ÁQBK-niń 425-baby 1-bóligi boıynsha zańnama oryndalmaǵan jaǵdaıda jáne QR ÁQBK-niń 462-baby 3-bóligi boıynsha halyqtyń sanepıdemıalogıalyq ál-aýqaty salasyndaǵy laýazymdy tulǵalar qaýlysy men nusqamasy oryndalmaǵan jaǵdaıda aıyppul salynýy múmkin. Eńbek kodeksiniń 48-babyna sáıkes, jumys berýshi, eger onyń is-áreketi onyń ómiri men densaýlyǵyna, onyń ishinde basqa da qyzmetkerlerge aýyr zardaptar ákelýi múmkin bolsa, qyzmetkerdi shettetýge mindetti", – delingen Densaýlyq saqtaý mınıstrligi habarlamasynda.
Aıta ketsek, Qazaqstannyń bas sanıtar dárigeri Erlan Qıasov jańa qaýlyǵa qol qoıdy. Bas memlekettik sanıtarlyq dárigeri Erlan Qıasovtyń jańa qaýlysymen 15 shildege deıin azamattar birinshi komponentpen, al 15 tamyzǵa deıin – vaksınanyń ekinshi komponentimen egilýi tıis. Vaksına almaǵan azamattardyń jumysqa shyǵýy shekteledi.
Derekkóz: Stan.kz
