2026 jylǵy 3 qazanda Kókjailaýda Almaty jastary men stýdentteriniń qatysýymen aǵash otyrǵyzý ekologiialyq aktsiiasy ótti. Bastamaǵa Qazaqstan Respýblikasynyń Ekologiia jáne tabiǵi resýrstar ministri Álibek Qýantyrov, Almaty qalasynyń ákimi Darhan Satybaldy, «Kazakh Tourism Development Ltd.» kompaniiasynyń bas atqarýshy direktory Erjan Erkinbaev, sondai-aq salalyq ǵylymi uiymdardyń ókilderi qatysty. Aktsiia aiasynda shamamen 2 myń túp Shrenk shyrshasy otyrǵyzyldy, dep habarlaidy dalanews.kz.
Ekologiialyq aktsiia Almaty SuperSki jobasyna qatysty Almaty jastarymen ótken ashyq dialogtiń jalǵasy boldy. Buǵan deiin qala jastary jobany, onyń taýly aýmaqtardyń damýyna yqpalyn jáne Kókjailaýdyń bolashaǵyn talqylaý jóninde bastama kótergen edi. Birqatar kezdesýde stýdentter men jastar ózderin tolǵandyrǵan suraqtaryn qoiyp, pikirlerin bildirip, usynystaryn joba ókilderimen talqylady.
Jastardyń ekologiialyq aktsiiaǵa qatysýy osy dialogtiń is júzindegi jalǵasyna ainaldy. Almatylyq jastar aǵash otyrǵyzýǵa atsalysyp, tabiǵi aýmaqty saqtaýǵa óz úlesterin qosty. Aktsiia ekologiialyq mádenietti qalyptastyrýǵa, taýǵa janashyrlyqpen qaraýǵa jáne jas urpaqty tabiǵatty qorǵaýǵa baǵyttalǵan naqty bastamalarǵa tartýǵa arnaldy.
Is-sharanyń negizgi sátteriniń biri basshylyq pen shaqyrylǵan qonaqtardyń alǵashqy aǵashty birge otyrǵyzýy boldy. Budan keiin qatysýshylar belgilengen aýmaqtarǵa bólinip, jappai aǵash otyrǵyzýǵa kiristi.
«Búgin bolashaq Kókjailaý kýrortynyń aýmaǵynda aǵash otyrǵyzý jónindegi ekologiialyq aktsiia ótip jatyr. Bul Almaty men tutas óńirdegi týrizmniń damýyna jańa serpin berip, qala turǵyndary men qonaqtaryna qosymsha múmkindikter usynýǵa baǵyttalǵan mańyzdy joba.
Sonymen qatar týristik infraqurylymdy damytý kezinde tabiǵatty saqtaýǵa erekshe kóńil bólinýi kerek. Biz tabiǵi resýrstardy jaýapkershilikpen paidalaný qaǵidatyn basshylyqqa alamyz. Bir aǵash alynǵan jaǵdaida onyń ornyna on túp aǵash otyrǵyzý qamtamasyz etiledi. Týristik klaster júzege asyrylatyn aýmaqta Qyzyl kitapqa engen birde-bir aǵash kóshirilmeidi nemese kesilmeidi.
Barlyq ekologiialyq talap saqtalǵan jaǵdaida, jobany júzege asyrý týrizm men ekonomikany damytýdy tabiǵi murany qorǵaýmen ushtastyrýǵa múmkindik beredi dep senemin. Bul — bolashaq urpaqqa amanat etýge tiis bailyǵymyz», — dedi Álibek Qýantyrov.
Almaty qalasynyń ákimi Darhan Satybaldy jas turǵyndardyń ekologiialyq bastamalarǵa qatysýynyń mańyzyn atap ótti.
«Taý — Almatynyń jáne onyń bolmysynyń ajyramas bóligi. Jastardyń qalanyń jáne onyń tabiǵi aýmaqtarynyń bolashaǵyna qatysty máselelerden shet qalmaýy biz úshin mańyzdy. Mundai bastamalar ekologiia týraly sóz qozǵap qana qoimai, tabiǵatty saqtaý jónindegi naqty jumystarǵa tikelei qatysýǵa múmkindik beredi», — dedi ákim.
Erjan Erkinbaev ekologiialyq sharalar Almaty SuperSki jobasyn júzege asyrýdyń kelesi kezeńderinen buryn ótkizilýi kerektigin aitty.
«Almaty jastarynyń qalanyń, taýlarymyzdyń jáne Kókjailaýdyń bolashaǵyna qyzyǵýshylyq tanytýy biz úshin mańyzdy. Biz birqatar ashyq kezdesý ótkizip, jastardyń pikirin tyńdap, suraqtaryna jaýap berdik. Bizdiń ustanymymyz qarapaiym: kez kelgen damý tabiǵatqa qurmetpen qaraýdan bastalýy kerek. Sondyqtan Almaty SuperSki jobasynyń kelesi kezeńderine kirispei turyp, naqty ekologiialyq sharalardy qolǵa alyp jatyrmyz. Jańa aǵashtar otyrǵyzý — sondai qadamdardyń biri. Kókjailaý Almatynyń ókpesine ainalady», — dedi ol.
Is-sharaǵa stýdentter men qala jastary, sonyń ishinde tiisti mamandyqtar boiynsha bilim alyp júrgen jastar qatysty. Aktsiiaǵa ál-Farabi atyndaǵy Qazaq ulttyq ýniversiteti Biologiia jáne biotehnologiia fakýltetiniń botanika jáne agroekologiia kafedrasynyń, sondai-aq basqa da salalyq ǵylymi uiymdardyń ókilderi qosyldy.
