2026 جىلعى 3 قازاندا كٶكجايلاۋدا الماتى جاستارى مەن ستۋدەنتتەرٸنٸڭ قاتىسۋىمەن اعاش وتىرعىزۋ ەكولوگييالىق اكتسيياسى ٶتتٸ. باستاماعا قازاقستان رەسپۋبليكاسىنىڭ ەكولوگييا جەنە تابيعي رەسۋرستار مينيسترٸ ەلٸبەك قۋانتىروۆ, الماتى قالاسىنىڭ ەكٸمٸ دارحان ساتىبالدى, «Kazakh Tourism Development Ltd.» كومپانيياسىنىڭ باس اتقارۋشى ديرەكتورى ەرجان ەركٸنباەۆ, سونداي-اق سالالىق عىلىمي ۇيىمداردىڭ ٶكٸلدەرٸ قاتىستى. اكتسييا اياسىندا شامامەن 2 مىڭ تٷپ شرەنك شىرشاسى وتىرعىزىلدى, دەپ حابارلايدى dalanews.kz.
ەكولوگييالىق اكتسييا Almaty SuperSki جوباسىنا قاتىستى الماتى جاستارىمەن ٶتكەن اشىق ديالوگتٸڭ جالعاسى بولدى. بۇعان دەيٸن قالا جاستارى جوبانى, ونىڭ تاۋلى اۋماقتاردىڭ دامۋىنا ىقپالىن جەنە كٶكجايلاۋدىڭ بولاشاعىن تالقىلاۋ جٶنٸندە باستاما كٶتەرگەن ەدٸ. بٸرقاتار كەزدەسۋدە ستۋدەنتتەر مەن جاستار ٶزدەرٸن تولعاندىرعان سۇراقتارىن قويىپ, پٸكٸرلەرٸن بٸلدٸرٸپ, ۇسىنىستارىن جوبا ٶكٸلدەرٸمەن تالقىلادى.
جاستاردىڭ ەكولوگييالىق اكتسيياعا قاتىسۋى وسى ديالوگتٸڭ ٸس جٷزٸندەگٸ جالعاسىنا اينالدى. الماتىلىق جاستار اعاش وتىرعىزۋعا اتسالىسىپ, تابيعي اۋماقتى ساقتاۋعا ٶز ٷلەستەرٸن قوستى. اكتسييا ەكولوگييالىق مەدەنيەتتٸ قالىپتاستىرۋعا, تاۋعا جاناشىرلىقپەن قاراۋعا جەنە جاس ۇرپاقتى تابيعاتتى قورعاۋعا باعىتتالعان ناقتى باستامالارعا تارتۋعا ارنالدى.
ٸس-شارانىڭ نەگٸزگٸ سەتتەرٸنٸڭ بٸرٸ باسشىلىق پەن شاقىرىلعان قوناقتاردىڭ العاشقى اعاشتى بٸرگە وتىرعىزۋى بولدى. بۇدان كەيٸن قاتىسۋشىلار بەلگٸلەنگەن اۋماقتارعا بٶلٸنٸپ, جاپپاي اعاش وتىرعىزۋعا كٸرٸستٸ.
«بٷگٸن بولاشاق كٶكجايلاۋ كۋرورتىنىڭ اۋماعىندا اعاش وتىرعىزۋ جٶنٸندەگٸ ەكولوگييالىق اكتسييا ٶتٸپ جاتىر. بۇل الماتى مەن تۇتاس ٶڭٸردەگٸ تۋريزمنٸڭ دامۋىنا جاڭا سەرپٸن بەرٸپ, قالا تۇرعىندارى مەن قوناقتارىنا قوسىمشا مٷمكٸندٸكتەر ۇسىنۋعا باعىتتالعان ماڭىزدى جوبا.
سونىمەن قاتار تۋريستٸك ينفراقۇرىلىمدى دامىتۋ كەزٸندە تابيعاتتى ساقتاۋعا ەرەكشە كٶڭٸل بٶلٸنۋٸ كەرەك. بٸز تابيعي رەسۋرستاردى جاۋاپكەرشٸلٸكپەن پايدالانۋ قاعيداتىن باسشىلىققا الامىز. بٸر اعاش الىنعان جاعدايدا ونىڭ ورنىنا ون تٷپ اعاش وتىرعىزۋ قامتاماسىز ەتٸلەدٸ. تۋريستٸك كلاستەر جٷزەگە اسىرىلاتىن اۋماقتا قىزىل كٸتاپقا ەنگەن بٸردە-بٸر اعاش كٶشٸرٸلمەيدٸ نەمەسە كەسٸلمەيدٸ.
بارلىق ەكولوگييالىق تالاپ ساقتالعان جاعدايدا, جوبانى جٷزەگە اسىرۋ تۋريزم مەن ەكونوميكانى دامىتۋدى تابيعي مۇرانى قورعاۋمەن ۇشتاستىرۋعا مٷمكٸندٸك بەرەدٸ دەپ سەنەمٸن. بۇل — بولاشاق ۇرپاققا امانات ەتۋگە تيٸس بايلىعىمىز», — دەدٸ ەلٸبەك قۋانتىروۆ.
الماتى قالاسىنىڭ ەكٸمٸ دارحان ساتىبالدى جاس تۇرعىنداردىڭ ەكولوگييالىق باستامالارعا قاتىسۋىنىڭ ماڭىزىن اتاپ ٶتتٸ.
«تاۋ — الماتىنىڭ جەنە ونىڭ بولمىسىنىڭ اجىراماس بٶلٸگٸ. جاستاردىڭ قالانىڭ جەنە ونىڭ تابيعي اۋماقتارىنىڭ بولاشاعىنا قاتىستى مەسەلەلەردەن شەت قالماۋى بٸز ٷشٸن ماڭىزدى. مۇنداي باستامالار ەكولوگييا تۋرالى سٶز قوزعاپ قانا قويماي, تابيعاتتى ساقتاۋ جٶنٸندەگٸ ناقتى جۇمىستارعا تٸكەلەي قاتىسۋعا مٷمكٸندٸك بەرەدٸ», — دەدٸ ەكٸم.
ەرجان ەركٸنباەۆ ەكولوگييالىق شارالار Almaty SuperSki جوباسىن جٷزەگە اسىرۋدىڭ كەلەسٸ كەزەڭدەرٸنەن بۇرىن ٶتكٸزٸلۋٸ كەرەكتٸگٸن ايتتى.
«الماتى جاستارىنىڭ قالانىڭ, تاۋلارىمىزدىڭ جەنە كٶكجايلاۋدىڭ بولاشاعىنا قىزىعۋشىلىق تانىتۋى بٸز ٷشٸن ماڭىزدى. بٸز بٸرقاتار اشىق كەزدەسۋ ٶتكٸزٸپ, جاستاردىڭ پٸكٸرٸن تىڭداپ, سۇراقتارىنا جاۋاپ بەردٸك. بٸزدٸڭ ۇستانىمىمىز قاراپايىم: كەز كەلگەن دامۋ تابيعاتقا قۇرمەتپەن قاراۋدان باستالۋى كەرەك. سوندىقتان Almaty SuperSki جوباسىنىڭ كەلەسٸ كەزەڭدەرٸنە كٸرٸسپەي تۇرىپ, ناقتى ەكولوگييالىق شارالاردى قولعا الىپ جاتىرمىز. جاڭا اعاشتار وتىرعىزۋ — سونداي قادامداردىڭ بٸرٸ. كٶكجايلاۋ الماتىنىڭ ٶكپەسٸنە اينالادى», — دەدٸ ول.
ٸس-شاراعا ستۋدەنتتەر مەن قالا جاستارى, سونىڭ ٸشٸندە تيٸستٸ ماماندىقتار بويىنشا بٸلٸم الىپ جٷرگەن جاستار قاتىستى. اكتسيياعا ەل-فارابي اتىنداعى قازاق ۇلتتىق ۋنيۆەرسيتەتٸ بيولوگييا جەنە بيوتەحنولوگييا فاكۋلتەتٸنٸڭ بوتانيكا جەنە اگروەكولوگييا كافەدراسىنىڭ, سونداي-اق باسقا دا سالالىق عىلىمي ۇيىمداردىڭ ٶكٸلدەرٸ قوسىلدى.
