دەنساۋلىق ساقتاۋ مينيسترلىگىنىڭ مالىمەتى بويىنشا، تەكسەرۋگە ىشكى ىستەر ورگاندارىمەن بىرلەسىپ مونيتورينگتىك توپتار تارتىلادى.
حالىقتىڭ سانيتاريالىق-ەپيدەميولوگيالىق سالاماتتىلىعى سالاسىندا مەملەكەتتىك ورگاندار ىشكى ىستەر ورگاندارىنان ءتيىستى ماتەريالداردى العان كەزدە حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستىڭ 82-بابىندا كوزدەلگەن مىندەتتەردى ورىنداماعانى ءۇشىن جۇمىس بەرۋشىلەرگە اكىمشىلىك قۇقىق بۇزۋشىلىق تۋرالى حاتتاما تولتىرىلادى:
- سانيتاريالىق-ەپيدەميولوگيالىق جانە سانيتاريالىق-پروفيلاكتيكالىق شارالاردى جۇرگىزۋ؛
- كورسەتىلەتىن قىزمەتتەردىڭ قاۋىپسىزدىگىن قامتاماسىز ەتۋ؛
- سانەپيدباقىلاۋ ورگاندارىنىڭ لاۋازىمدى تۇلعالارىنىڭ اكتىلەرىن ورىنداۋ؛
- قىزمەتكەرلەر اراسىندا دەنساۋلىقتى نىعايتۋ جانە اۋرۋلاردىڭ الدىن الۋ ءۇشىن قولايلى جاعدايلار جاساۋ.
"ق ر اقبك-نىڭ 425-بابى 1-بولىگى بويىنشا زاڭناما ورىندالماعان جاعدايدا جانە ق ر اقبك-نىڭ 462-بابى 3-بولىگى بويىنشا حالىقتىڭ سانەپيدەميالوگيالىق ءال-اۋقاتى سالاسىنداعى لاۋازىمدى تۇلعالار قاۋلىسى مەن نۇسقاماسى ورىندالماعان جاعدايدا ايىپپۇل سالىنۋى مۇمكىن. ەڭبەك كودەكسىنىڭ 48-بابىنا سايكەس، جۇمىس بەرۋشى، ەگەر ونىڭ ىس-ارەكەتى ونىڭ ءومىرى مەن دەنساۋلىعىنا، ونىڭ ىشىندە باسقا دا قىزمەتكەرلەرگە اۋىر زارداپتار اكەلۋى مۇمكىن بولسا، قىزمەتكەردى شەتتەتۋگە مىندەتتى"، – دەلىنگەن دەنساۋلىق ساقتاۋ مينيسترلىگى حابارلاماسىندا.
ايتا كەتسەك، قازاقستاننىڭ باس سانيتار دارىگەرى ەرلان قياسوۆ جاڭا قاۋلىعا قول قويدى. باس مەملەكەتتىك سانيتارلىق دارىگەرى ەرلان قياسوۆتىڭ جاڭا قاۋلىسىمەن 15 شىلدەگە دەيىن ازاماتتار ءبىرىنشى كومپونەنتپەن، ال 15 تامىزعا دەيىن – ۆاكسينانىڭ ەكىنشى كومپونەنتىمەن ەگىلۋى ءتيىس. ۆاكسينا الماعان ازاماتتاردىڭ جۇمىسقا شىعۋى شەكتەلەدى.
دەرەككوز: Stan.kz
