قازاقستان تٷركٸ مەملەكەتتەرٸ ۇيىمىنا مٷشە ەلدەردٸڭ جەتەكشٸ مەديتسينالىق جوعارى وقۋ ورىندارىن بٸرٸكتٸرەتٸن جەلٸلٸك ۋنيۆەرسيتەت قۇرۋ باستاماسىن كٶتەردٸ. ۇسىنىس بٸشكەكتە ٶتكەن ۇيىمعا مٷشە مەملەكەتتەردٸڭ دەنساۋلىق ساقتاۋ مينيسترلەرٸنٸڭ التىنشى كەزدەسۋٸندە ايتىلدى, دەپ حابارلايدى dalanews.kz.
جاڭا جوبا دەرٸگەرلەردٸ بٸرلەسٸپ دايارلاۋعا, ماماندار الماسۋعا جەنە مەديتسينا عىلىمىن دامىتۋعا باعىتتالعان. ونىڭ اياسىندا قوعامدىق دەنساۋلىق ساقتاۋ, ەپيدەميولوگييا جەنە بيوينفورماتيكا سالالارى بويىنشا ورتاق بٸلٸم بەرۋ باعدارلامالارىن ەزٸرلەۋ جوسپارلانىپ وتىر.
«قازاقستان تٷركٸ مەملەكەتتەرٸنٸڭ جەلٸلٸك ۋنيۆەرسيتەتٸن قۇرۋدى ۇسىندى. ول ۇيىمعا مٷشە ەلدەردٸڭ جەتەكشٸ مەديتسينالىق جوعارى وقۋ ورىندارىن بٸرٸكتٸرەدٸ», – دەدٸ دەنساۋلىق ساقتاۋ مينيسترٸ اقمارال ەلنازاروۆا.
باستامانى ٷيلەستٸرۋ ٷشٸن تمۇ حاتشىلىعى جانىنان مەديتسينالىق بٸلٸم بەرۋ جٶنٸندەگٸ ٷيلەستٸرۋ كەڭەسٸن قۇرۋ ۇسىنىلدى.
سونىمەن قاتار قازاقستان جاس عالىمدار, دوكتورانتتار مەن رەزيدەنت دەرٸگەرلەرگە ارنالعان گرانتتىق باعدارلاما ەزٸرلەۋدٸ جەنە سۇرانىسقا يە ماماندىقتار بويىنشا بٸرلەسكەن تاعىلىمدامالاردى جولعا قويۋدى ۇسىندى. باسىم باعىتتاردىڭ قاتارىنا بالالار كارديوحيرۋرگيياسى, ترانسپلانتولوگييا, نەيروحيرۋرگييا جەنە ونكوگەماتولوگييا ەنگٸزٸلگەن.
قازاقستاننىڭ ۇلتتىق عىلىمي ورتالىقتارى مەن ۋنيۆەرسيتەت كلينيكالارى تٷركٸ ەلدەرٸنەن كەلەتٸن ماماندارعا تەجٸريبەلٸك دايىندىق الاڭى بولۋعا ەزٸر. سونداي-اق اۋىلدىق جەنە شەكارا ماڭىنداعى ەلدٸ مەكەندەردە ەڭبەك ەتەتٸن دەرٸگەرلەر ٷشٸن بٸرلەسكەن وقۋ باعدارلامالارىن, كٶشپەلٸ مەكتەپتەر مەن قىسقامەرزٸمدٸ تاعىلىمدامالار ۇيىمداستىرۋ كٶزدەلٸپ وتىر.
بۇعان دەيٸن ٶزبەكستان, تەجٸكستان جەنە قىرعىزستاندا قازاقستان مەديتسيناسى كٷندەرٸ ٶتكەن. ونىڭ اياسىندا دەرٸگەرلەر بٸرلەسكەن وپەراتسييالار جاساپ, ناۋقاستارعا كەڭەس بەرٸپ, زاماناۋي مەديتسينالىق تەحنولوگييالاردى قولدانۋ تەجٸريبەسٸمەن بٶلٸسكەن.
قازاقستان مۇنداي باعدارلامالاردى تۇراقتى ٶتكٸزٸپ, بٸرلەسكەن مەديتسينالىق ميسسييالاردى تٷركٸ مەملەكەتتەرٸ ۇيىمىنا مٷشە ٶزگە ەلدەردە دە ۇيىمداستىرۋدى ۇسىندى.
