"Ahmet Baitursynov aitady: "Qazaqta buǵan deiin de, budan keiin de Abai Qunanbaevtai uly aqyn bola qoimas" - dep. Aqyndardyń ishinde eń shoqtyǵy biik Abai atamyz desek artyq aitqandyq emes. Elbasymyz "Bolashaqqa baǵdar: rýhani jańǵyrý" maqalasynda elimizdiń ulttyq kody bolýy kerek, myqty ult bolyp uiysý jolynda eskirgen ádetterden arylyp, at tóbelindei qazaq bir-birin "baýyrym" dep súiý kerektigi aitylǵan. Al, dál osy máseleni Abai atamyz júzdegen jyl buryn óziniń qara sózderinde, óleńderinde qozǵap, qazaqtyń boiyndaǵy keibir kerek emes minezderden arylý kerektigi týraly tolǵanystaryn jazǵan. Jańa ǵasyrda, osyndai beibit zamanda ómir súrip jatqan myna bizder Abai atamyzdyń ónegeli ósietterinen, eńbekterinen tálim alyp, nátije shyǵaratyn kez jetti. Eń aldymen, ol úshin Muhtar Áýezovtyń "Abai joly" epopeiasyn árbirimiz tolyq oqyp shyǵýymyz kerek. Romandy oqyǵan kez kelgen adam "Naǵyz qazaq qandai bolýy kerek?" degen suraqqa jaýap taba alady. Sondyqtan, "Abai jolyn" oqyǵan adamnyń eń birinshi nieti ózgeredi, nieti ózgergen soń oiy ózgeredi, oiy ózgergen soń sózi, is-áreketi ózgeredi, sáikesinshe taǵdyry - ultymyzdyń taǵdyry jaqsy jaǵyna ózgere beredi. Mine, osy baǵytta rýhani jańǵyryp, ult bolyp uiysyp, Egemendi elimizdiń bolashaǵy úshin úlken qadamdar jasaýǵa tiistimiz!" - deidi Maqtaral aýdany ákiminiń orynbasary Maqsat Joldasbekov.
Aita keteiik, Abai Qunanbaev (1845-1904) — aqyn, aǵartýshy, jazba qazaq ádebietiniń, qazaq ádebi tiliniń negizin qalaýshy, filosof, kompozitor, aýdarmashy, saiasi qairatker, liberaldy bilimdi islamǵa taiana otyryp, orys jáne eýropa mádenietimen jaqyndasý arqyly qazaq mádenietin jańartýdy, jańǵyrtýdy kózdegen reformator. Abai aqyndyq shyǵarmalarynda qazaq halqynyń áleýmettik, qoǵamdyq, moraldyq máselelerin arqaý etken. Uly aqyn, aǵartýshy Abai mýzyka salasynda da kóptegen mura qaldyrdy. Óziniń óleńderin, qara sózderin qaǵazǵa túsirip, keiingi urpaqqa jazyp qaldyrsa, mýzyka jóninde onyń mundai múmkinshiligi bolmady. Óitkeni, Abai ómir súrgen kezeńde qazaqta mýzykanyń jazba mádenieti joq edi, halyqtyq mýzyka aýyz dástúrlik qalypta saqtalyp otyrdy. Sondyqtan, Abai ánderi de qazaqtyń basqa halyqtyq án-kúileri siiaqty, aýyzdan aýyzǵa, zamannan zamanǵa aýysa otyryp jetti.
[caption id="attachment_29477" align="aligncenter" width="900"]
Maqtaral aýdany ákiminiń baspasóz qyzmeti
