Maqtaralda eńbek jármeńkesi ótti
Maqtaral aýdandyq jumyspen qamtý ortalyǵy "Áleýmettik biýro" aktsiiasy men "Eńbek barshaǵa" atty bos jumys oryndarynyń jármeńkesin ótkizdi. Bir kún boiy turǵyndarǵa jumys usynylyp, kóptegen áleýmettik baǵdarlamalar jaily túsindirildi.
Maqta óńdeýden oblysta kósh bastaityn bir ǵana "Myrzakent" maqta óńdeý zaýytynyń ózinde bos jumys oryndarynyń sany 500-ge jetedi. Zerthanashy, elektrshi, temir ustasy, kúzetshi, operator siiaqty mamandardy zaýyt jumysqa turýǵa shaqyrady. Sondai-aq, jumys usynyp otyrǵan birneshe iri kásiporyn bar. Sondai-aq, aýdan turǵyndary maqta talshyǵyn óńdeý, avtokólikterdiń elektrlik qurylǵylaryn jóndeý, shashtaraz sheberi, tiginshi, aspazshy, aýyl sharýashylyǵy óndirisindegi mashinist, jemis-kókónis óndirýshi, elektr gazymen dánekerleýshi, vizajist, elektrondy esepteýish mashinalardyń operatory siiaqty qysqa merzimdi kýrstarda tegin bilim ala alady jáne sertifikattar beriledi.
"Aýdan turǵyndary "Órleý" jobasyna qatty qyzyǵýshylyq bildirýde. Búgin sol joba boiynsha málimet alýǵa kelgen turǵyndardyń qarasy kóp" - deidi aýdan ákiminiń orynbasary Altyn Eshanqulova. Aita keteiik, bos jumys oryndarynyń jármeńkesine myńǵa jýyq adam qatysty. Jumys izdep kelýshiler men áleýmettik baǵdarlamalar týraly suraýshylarǵa aýdandaǵy túrli kásiporyndardyń mamandary qyzmet kórsetip, túiindemelerin alyp qaldy. Bos jumys oryndaryna qujat qabyldaý jalǵasa bermek.
