Kezdesýde Astana qalasynyń əkimi Əset Isekeshev sóz alyp, búgingi kúni turǵyndarynyń sany 1 millionnan asqan bas qala úshin atalmysh kelisimniń mańyzy zor ekenin atap ótti. Sol siiaqty Energetika vitse-ministri Baqytjan Jaqsaliev te əriptestik bailanystardyń ózektiligin tilge tiek etti.
Osy basqosýda Almaty oblysynyń əkimi Amandyq Batalov óńirdegi qoqysty jinaý men óńdeý jaǵdaiy, aldaǵy josparlar jaiyna toqtaldy.
– Almaty oblysy halqynyń sany 2 millionǵa jetti. Oǵan qosa oblys Almatydai úlken megapolispen irgeles ornalasqan. Sondyqtan qaldyqtardy jinaý, suryptaý, tasymaldaý, óńdeý isin jolǵa qoiý – biz úshin asa qajet shara. Biz «Almaty oblysynda qaldyqtardy basqarýdyń aimaqtyq júiesiniń» TEN-in əzirledik. Onda memlekettik-jekemenshik seriktestik mehanizmin qoldaný arqyly 14 aimaqtyq keshenderdiń biryńǵai operatoryn qurý qarastyrylady. Atap aitqanda, sonyń aiasynda 16 qoqys suryptaý kesheni, 13 qoqys tieý stantsiiasy, 16 poligon, 3 qoqys óńdeý zaýytynyń qurylysy júzege asyrylýy tiis. Osynyń nətijesinde 500 jumys orny qurylyp, 2025 jylǵa qarai turǵyndarturmystyq qatty qaldyqtar shyǵarýdy uiymdastyrýmen 100 %-ǵa qamtylady dep josparlanyp otyr. Oǵan qosa bul qaldyq joiýdy arttyryp, poligondar sanyn azaitýǵa yqpal etetin bolady. Osy jobany qaldyqtardy joiý jónindegi bizdiń óńirdegi birlesken pilottyq joba retinde qarastyrýdy usynamyn jəne qol jetkizgen nətijege səikes jobany elimiz boiynsha taratýǵa bolady dep esepteimin, – degen Amandyq Batalov sóziniń sońynda osy kezdesýdi uiymdastyrýǵa uiytqy bolǵan QR Energetika ministrligine rizashylyǵyn bildirdi.
Jalpy «Operator ROP» JShS-nyń qoqys óńdeý salasyndaǵy əriptestik bailanysqa Astanamen qatar Almaty aglomeratsiiasy aýmaǵyndaǵy aýqymdy oblysty tartýyna Parlament Senatynyń usynysy, sonymen qatar jyl saiyn jinaqtalatyn qoqys kóleminiń artýy yqpal etken.
«Operator ROP» JShS-nyń Bas direktory Svetlana Korotenkonyń aitýynsha, yntymaqtastyq negizginde qaldyqtardy basqarýdyń óńirlik júiesin qurý men ony odan ári damytý, jeke jáne zańdy tulǵalardan turmystyq qatty qaldyqtardy jeke jinaqtaýdy engizý, turmystyq qatty qaldyqtardy shyǵarýǵa shaqyrýdy júzege asyratyn kólik quraldarynyń qozǵalysyn spýtniktik navigatsiialyq júielerdiń málimeti boiynsha baqylap otyrýdyń aqparattyq júiesin uiymdastyrý jáne júrgizý qolǵa alynbaq. Oǵan qosa taraptar aldaǵy ýaqytta memlekettik-jekemenshik seriktestikti damytý sheńberindegi kelisimderdiqarastyratyn bolady.
Jalpy Almaty oblysynda jylyna 1,2 mln. tonna qaldyq jinaqtalady. Sonyń 640 myń tonnasy oblys aýmaǵyna Almaty qalasynan shyǵarylady. Oblystaǵyeldi mekenderdiń turmystyq qaldyqtardy shyǵarýmen qamtylý kórsetkishi 67%, al qalalar men iri eldi mekenderdiń qamtylýy 100%.
Almaty oblysy əkiminiń baspasóz qyzmeti.
