Sonymen qatar jańa biznes-ideialarǵa memlekettik granttar berý boiynsha 28 kásipker 96,3 mln teńge aldy.
2022 jylǵa kásipkerlikti damytý jónindegi ulttyq joba aiasynda 11,6 mlrd teńge bólindi. Osy qarajatqa aǵymdaǵy jyldyń qańtar-tamyz ailarynda 16,4 mlrd teńge nesieniń jalpy somasyna 663 joba qoldaý taýyp, 186 jańa jumys orny qurylyp, 117 jumys orny saqtaldy.
Onyń ishinde syiaqy mólsherlemesiniń bir bóligin sýbsidiialaý boiynsha 13,2 mlrd.teńge nesiege 314 joba, 6,3 mlrd teńge somasyna 349 jobaǵa kepildik berý boiynsha qoldaý kórsetildi.
Kásipker Saltanat Bralina joǵaryda atalǵan baǵdarlamalar aiasynda "Qaita óńdeletin shikizatty jinaý jáne satý" jobasyn iske asyrýǵa qarjy aldy. ECO Waste Aqtau kompaniiasy 5 jyl boiy Aqtaý qalasynda qaita óńdeletin shikizat jinaýmen ainalysady.
Kompaniia direktorynyń aitýynsha, 5 jyl ishinde olar óńdeýge 5 myń tonnadan astam shikizat jibergen.
Nurseiit Órken – jas kásipker, bala kezinen ónerge qyzyǵýshylyq tanytyp, zergerlik buiymdar jasaýmen ainalysady. 2019 jyly ol "Biznestiń jol kartasy" memlekettik baǵdarlamasy aiasynda konkýrsqa qatysyp, 2,5 million teńge kóleminde grant utyp aldy.
Ol osy somaǵa zergerlik buiymdar jasaýǵa arnalǵan jabdyqty satyp aldy. Búgingi tańda Nurseit Órken túrli metaldardan sapaly syrǵalar, saqinalar, alqalar jasap shyǵarady. Jas kásipkerdiń aitýynsha, ol Resei men Ýkrainadan kelgen zergerlerdiń 3D modelderine tapsyrys qabyldaidy.
Aqtaý qalasynyń taǵy bir kásipkeri Murat Toqaev 2021 jyly "Biznestiń jol kartasy" memlekettik baǵdarlamasy boiynsha sýbsidiia alǵan. Aǵymdaǵy jyly ol óziniń "Dental art studio By Turan Akhmetov" klinikasyn ashty. Klinika eń zamanaýi tehnologiialarmen jabdyqtalǵan, onda stomatologiialyq mikroskop, 3D-tomograf jáne barlyq qajetti jabdyqtar bar. Sonymen qatar, osy klinikada 25-ten astam jumys orny quryldy.
"Tuz úńgiri" – bul qabyrǵalary men edenderi tuz bloktarymen jabdyqtalǵan bólme. Mundai bólmeler emdik maqsatta qoldanylady. Ol jerde emdelýshi paidaly mikroelementtermen qanyqqan aýany jutyp, em alady. Eń aldymen, tuz úńgiri balalar men qart adamdarǵa paidaly, óitkeni ondaǵy aýany ingaliatsiialaý immýnitetti qalpyna keltiredi jáne nyǵaitady, qan qysymyn qalypqa keltiredi jáne júrek-qan tamyrlary júiesine oń áser etedi.
Sonymen qatar aǵymdaǵy jyldyń maýsym-shilde ailarynda ulttyq joba aiasynda jańa biznes-ideialardy iske asyrýǵa arnalǵan memlekettik granttardyń konkýrstyq komissiiasy ótti. Ótinimderdi qabyldaý týraly habarlandyrý áleýmettik jelilerde jariialandy.
Konkýrstyq komissiiaǵa barlyǵy 20 mln. teńge somasyna 167 jeke kásipker qatysty. 4 kásipker 5 mln.teńge kóleminde memlekettik grantty jeńip aldy.
Grant alýǵa úmitkerlerdiń ótinimderi "Qoldau.kz." elektrondyq veb-portal arqyly jiberildi, komissiia músheleri jeke kabinetterde daýys berdi. Úmitkerlerdiń ótinimderin irikteý jónindegi konkýrstyq komissiianyń quramyna 9 komissiia múshesi taǵaiyndaldy jáne bekitildi.
