Premer-ministr Oljas Bektenovtiń tóraǵalyǵymen ótken Úkimet otyrysynda biylǵy 9 aidaǵy elimizdiń áleýmettik-ekonomikalyq damý qorytyndylary men respýblikalyq biýdjettiń atqarylý barysy qaraldy, dep habarlaidy Dalanews.kz.
Negizgi makroekonomikalyq kórsetkishter boiynsha artta qalǵan Abai, Ulytaý jáne Atyraý oblystarynyń ákimderi áleýmettik-ekonomikalyq damý deńgeiin jaqsartý boiynsha atqarylyp jatqan sharalar týraly baiandady.
"Artta qalǵan óńir basshylary jaǵdaidy ózgertýge bar kúshin salýy qajet", - dep tapsyrdy Oljas Bektenov.
Premer-ministr qazirgi jaǵdaida ekonomikany odan ári ártaraptandyrý, investitsiia tartý jáne turaqty jumys oryndaryn qurý úshin memleket pen biznes birlesip, tiimdi jumys isteýi tiis ekenin atap ótti.
