Elimizde 25 qazanda ulttyq mereke – Respýblıka kúni atap ótiledi. Osy aıtýly kúnge oraı Astanada 150-ge jýyq mádenı-buqaralyq, bilim berý, sporttyq jáne áleýmettik is-shara ótkizý josparlanyp otyr, dep habarlaıdy Dalanews.kz 

Merekelik is-sharalar qalanyń ortalyq alańdarynda, iri nysandarda ǵana emes, sonymen qatar turǵyn alaptar men bilim berý uıymdarynyń aýmaǵynda da ótedi. Mereke aıasynda ár aýdan men qala boıynsha túrli salada eńbek etip júrgen úzdik qyzmetkerler, eńbek ardagerleri men erlik kórsetken azamattar marapattalady.

Bul kúnderi bilim berý uıymdarynda dóńgelek ústelder, pikirsaıys týrnırleri, kórmeler, tanymal tulǵalarmen kezdesýler, konferensıalar, shyǵarmashylyq baıqaýlar, esse men óleń oqý konkýrstary, patrıottyq chellendjder ótkiziledi.

1-22 qazan aralyǵynda elordada «Qalamger ustahanasy» jobasy aıasynda jazýshylarmen aptalyq kezdesýler jalǵasýda.

16 qazanda Azamattyq bastamalar ortalyǵy «Azamattyq biregeılikti qalyptastyrý: ulttyq qundylyqtardyń róli» taqyrybynda semınar ótkizedi.

16-17 qazanda Saryarqa aýdanynda muǵalimder arasynda ákim kýbogyna arnalǵan voleıboldan jarys jáne ulttyq oıyndar boıynsha spartakıada ótedi.

17 qazanda №50 «Qazǵarysh» mektep-lıseıinde «Asyl mura» respýblıkalyq óner baıqaýynyń qalalyq kezeńi uıymdastyrylady.

Sol kúni №117 mektepte «Qazaǵym dep soǵady júregim» atty patrıottyq ánder baıqaýy ótedi.

Nura aýdanynda áleýmettik osal toptarǵa arnalǵan «Janashyr júrek» qaıyrymdylyq aksıasy ótedi.

18 qazanda «Barys Arena» muz saraıynda búkil respýblıkadan kelgen eń myqty balýandar qatysatyn «Qazaqstan Barysy» týrnıri ótedi.

Sondaı-aq Paralımpıadalyq daıyndyq ortalyǵynda bochcha sportynan ashyq týrnır, al Syǵanaq kóshesindegi sport kesheninde Penchak sılat boıynsha jarys uıymdastyrylady.

Osy kúni «Azıa Park» SOO ortalyǵynda «Republic Day» aksıasy aıasynda tarıhı-kórkem fılmniń kórsetilimi ótedi.

18-19 qazan kúnderi elordada «Esirtkige qarsy sport» atty ashyq týrnır ótedi. Onda 12-21 jas aralyǵyndaǵy jasóspirimder men jastar sporttyń birneshe túrinen synǵa túsedi.

19 qazanda Almaty aýdanynyń muǵalimderi arasynda voleıboldan jarys uıymdastyrylady.

20 qazanda «Sharapat» áleýmettik qyzmet kórsetý ortalyǵynda «Qazaqstan Respýblıkasynyń memlekettik egemendigi týraly deklarasıanyń qabyldanǵanyna 35 jyl» taqyrybynda ádebı-aǵartýshylyq saǵat ótedi. Sol kúni «Rýhanıat» KMM «Otanym meniń – Qazaqstan» atty dóńgelek ústel ótkizedi.

Esil aýdanynda Ulttyq akademıalyq kitaphanamen birlesip «Táýelsiz Qazaqstan» atty patrıottyq sabaq ótedi. Sondaı-aq Dostyq úıinde «Mámile» pikir klýbynyń sabaǵy, memlekettik qyzmetshilerge arnalǵan «Memleket jáne din: ózara yqpaldastyqtyń qazirgi úrdisteri» semınary jáne «Azıa Park» SOO ortalyǵynda fılm kórsetilimi ótedi.

Sol kúni Baıqońyr aýdanyndaǵy №3 mektepte «Ulttyq kıim aptalyǵy» aksıasy, al Almaty aýdanynda áleýmettik az qamtylǵan otbasylarǵa arnalǵan «Janashyr júrek» aksıasy bastalady.

20-25 qazan aralyǵynda №3 Balalar mýzykalyq mektebi «Qyran elim – Qazaqstanym!» atty patrıottyq chellendj daıyndaıdy.

Osy kúnderi áleýmettik jelilerde «Meniń Respýblıkam – meniń tańdaýym!» atty onlaın-chellendj ótedi.

21-25 qazan aralyǵynda elordada respýblıkalyq sýretshiler sımpozıýmy uıymdastyrylady.

21-24 qazan kúnderi «Nurly júrek» ortalyǵynda «Meniń Otanym – Qazaqstan» atty fotokórme ótedi.

21 qazanda Memlekettik rámizder alańynda qatysýshylar Qazaqstan Respýblıkasynyń Memlekettik gımnin oryndap, fleshmob ótkizedi.

Osy kúni Táttimbet atyndaǵy №1 óner mektebinde «Máńgilik jasa, qyran elim – Qazaqstanym!» atty dáris-konsert jáne «Qoljazba – tarıhtyń rýhanı qazynasy» atty ǵylymı-tanymdyq semınar ótedi.

Sondaı-aq jastar men ÚEU ókilderine arnalǵan «Azamattyq belsendilik: formalar, quraldar, quqyqtar» taqyrybyndaǵy trenıń jáne «Saryarqa juldyzy» patrıottyq ánder baıqaýy uıymdastyrylady. 

22 qazanda «Demeý» ortalyǵynda «Respýblıkanyń mártebesi – halyq birliginde» atty konsert ótedi. Sol kúni «Sharapat» ortalyǵynda «Otanym meniń – Qazaqstan» merekelik konserti jáne «Óndiris» sport kesheninde jas sportshylar arasynda qazaq kúresinen ashyq birinshilik ótedi.

22 qazanda №99 mektepte «Elimniń úni – júregimniń úni» fleshmoby, al Ulttyq mýzeıde Esil aýdanynyń mektep oqýshylaryna arnalǵan ekskýrsıa ótedi.

Sol kúni Ál-Farabı atyndaǵy Oqýshylar saraıynda «Elim degender!» respýblıkalyq shyǵarmashylyq baıqaýy ótedi.

22 qazanda elordada azamattyq qoǵam ókilderiniń qatysýymen qoǵamdyq kelisim men áleýmettik damý máselelerin talqylaýǵa arnalǵan dıalog alańy uıymdastyrylady.

Sol kúni Dostyq úıinde «Dástúr men birlik – bir shańyraq astynda» festıvali ótedi.

23 qazanda «Azamattyq bastamalar ortalyǵy» «Qazaqstan Respýblıkasynyń evolúsıasy: tarıhı jol jáne damý keleshegi» taqyrybynda dóńgelek ústel ótkizedi.

Sol kúni elordanyń bilim berý uıymdarynda mektep parlamentteri tóraǵalarynyń ınaýgýrasıasy ótedi.

23 qazanda Ulttyq arhıvte kitap kórmesi ashylady, al Nazarbaev ýnıversıtetinde «Republic Day» konserti ótedi.

«Óndiris» sport kesheninde dástúrli «Baıqońyr barysy» týrnıri, al №23 mektepte jemqorlyqqa qarsy taqyryptaǵy pikirsaıys týrnıri uıymdastyrylady.

23 qazanda Almaty aýdanynda erekshe balalarǵa arnalǵan «Orda» ortalyǵynyń saltanatty ashylýy ótedi.

Sol kúni Belsendi uzaq ómir súrý ortalyǵy konsert, al 24 qazanda zeınetkerler arasynda shahmat týrnırin ótkizedi.

24 qazanda elordada «Qazaqstan Respýblıkasy: ıdeıa tarıhy jáne ınstıtýsıonaldyq qalyptasý joly» taqyrybynda ashyq dáris ótedi. Dáristi onlaın da tamashalaýǵa bolady.

Sol kúni «Nurly júrek» ortalyǵynda fotokórme, «ALJIR» memorıaldyq kesheninde «Qazaqstan – týǵan elim, uly ólkem!» aksıasy ótedi.

24 qazanda Esil ýnıversıtetinde eltańba avtory, sáýletshi Jandarbek Málibekovtiń qatysýymen dáris ótedi.

Almaty aýdanynda áleýmettik az qamtylǵan azamattarǵa azyq-túlik sebetteri taratylady.

25 qazanda Á.Mámbetov atyndaǵy memlekettik drama jáne komedıa teatry «Sáıgúlik» spektaklin usynady.

Sol kúni Trıatlon parkinde merekelik júgirý sharasy, al Esil jaǵalaýynda Qazaqstan halqy Assambleıasynyń etnomádenı ortalyqtarynyń qatysýymen konsert ótedi.

«Mega Silk Way» SOO jáne «Abu Dhabi Plaza» ortalyqtarynda dombyra tartý, mýzykalyq kvartet óneri, balalar oıyndary men sýret salý sheberlik saǵattary uıymdastyrylady.

25-27 qazan aralyǵynda «Dáýlet» tenıs ortalyǵynda áýesqoılar arasynda tenıs týrnıri ótedi.

Mereke qarsańynda turǵyn alaptarda konsertter, estrada juldyzdarynyń qatysýymen merekelik baǵdarlamalar uıymdastyrylady.