Pavlodar áýejaiy memleketke qaitarylǵan aktivter esebinen jańartylmaq, dep habarlaidy dalanews.kz.
Bas Prokýrordyń tapsyrmasymen Bas kólik prokýrory Pavlodar áýejaiynyń ushý-qoný jolaǵyn rekonstrýktsiialaý barysymen tanysty.
Jobany iske asyrýǵa prokýratýra organdary zańsyz iemdenilgen aktivterdi qaitarý arqyly qalyptastyrǵan Arnaiy memlekettik qor qarajatynan 9 mlrd teńgeden astam qarajat baǵyttaldy.
Qurylys-montajdaý jumystary kestege sai júrgizilýde, rekonstrýktsiiany 2026 jyldyń qyrkúiek aiynda aiaqtaý josparlanǵan. Merdiger uiymǵa, tapsyrys berýshige jáne tehnikalyq qadaǵalaý qyzmetine jumystardyń ýaqtyly ári sapaly oryndalýyn, eńbekti qorǵaý men ekologiialyq zańnama talaptarynyń qatań saqtalýyn, sondai-aq bólingen memlekettik qarajattyń zańdy jáne tiimdi paidalanylýyn qamtamasyz etý qajettigi kórsetildi.
Rekonstrýktsiiadan keiin áýejaidyń ótkizý qabileti saǵatyna 200-den 300 jolaýshyǵa deiin artyp, qyzmet kórsetý sapasy men jolaýshylarǵa arnalǵan jailylyq deńgeii artady. Infraqurylymnyń jańarýy Pavlodar oblysynyń kóliktik qoljetimdiligin arttyryp, óńirdiń elimizdiń basqa qalalarymen bailanysyn jaqsartady.
Joba prokýratýra organdarynyń erekshe baqylaýynda.
