10 shildeden bastap Qazaqstandaǵy tórt aqyly jolda ortasha jyldamdyq baqylanady, dep habarlaidy dalanews.kz.
"QazAvtoJol" ulttyq kompaniiasy" AQ 10 shildeden bastap respýblikalyq mańyzy bar joldardyń keibir aqyly ýchaskelerine baqylaý engizedi. Bul shara jol apattaryn azaitýǵa, jyldamdyq rejimin buzýdyń aldyn alýǵa jáne júrgizýshiler men jolaýshylardyń qaýipsizdigin arttyrýǵa baǵyttalǵan.
Ortasha jyldamdyqty baqylaý eki baǵytta myna ýchaskelerde qoldanylady:
- Aqtóbe - Qandyaǵash;
- Almaty - Qorǵas;
- Kókshetaý - Petropavl;
- Astana - Temirtaý, Arshaly - Oshaǵandy ýchaskesi.
"Júieni engizýdegi basty maqsat - jazalaý emes, joldaǵy qaýipti áreketterdiń aldyn alý. Júie kólik belgili bir aralyqty qandai jyldamdyqpen júrip ótkenin esepteidi. Mundai tásil júrgizýshiniń tek kameranyń aldynda jyldamdyqty azaityp, keiin qaita qaýipti deńgeige deiin údetýine jol bermeidi", - dedi "QazAvtoJol" ókilderi.
