Almaty ákimdigi qalada taǵy 18 jańa aqyly avtoturaq aimaǵyn qurý týraly qaýly qabyldady, dep habarlaidy dalanews.kz.
Qujatqa sáikes, jańa turaq oryndarynyń barlyǵy trotýar úlgisinde uiymdastyrylady. Jobanyń júzege asyrylýyn baqylaý qala ákiminiń birinshi orynbasaryna júktelgen.
Aqyly avtoturaqtar jelisin keńeitý qaladaǵy kólik qozǵalysyn retteý maqsatynda qolǵa alynyp otyr. Sońǵy ýaqytta turaq oryndarynyń jetispeýshiliginen júrgizýshiler kólikterin ekinshi qatarǵa nemese apattyq belgisin qosyp, jol jiegine qaldyryp ketetin jaǵdailar jiilegen. Sonyń saldarynan qoǵamdyq kóliktiń qozǵalysy qiyndap, jaiaý júrginshilerge de kedergi keltirilip jatyr.
Ákimdik jańa aqyly turaq aimaqtary jol qozǵalysyn retteýge jáne kóshelerdegi kólik keptelisin azaitýǵa yqpal etetinin aitty.
